34 जिब यिप्तह मिस्पा म्ह अपणे घर आया, फेर उसकी बेट्टी डफ बजान्दी अर नाचदी होई उसतै भेंट करण कै खात्तर लिकड़ आई; वा उसकी एकलौती थी; उसनै छोड़ उसकै ना तो कोए बेट्टा था अर ना कोए बेट्टी। 35 उसनै देखदे ए उसनै दुःख म्ह अपणे कपड़े पाड़कै कह्या, "हाय, मेरी बेट्टी! तन्नै मेरी कमर तोड़ दी सै, अर तू भी मेरे कष्ट देण आळयां म्ह होगी सै; क्यूँके मन्नै यहोवा तै वचन दिया सै, अर उसतै टाळ न्ही सकदा।"
Publicidade