शिमशोन की पलिश्ती जनान्नी
1 एक दिन शिमशोन तिम्नाह गाम म्ह गया, अर तिम्नाह म्ह एक पलिश्ती जनान्नी ताहीं देख्या। 2 फेर उसनै जाकै अपणे माता-पिता तै कह्या, "तिम्नाह म्ह मन्नै एक पलिश्ती जनान्नी ताहीं देख्या सै, सो इब थम उसतै मेरा ब्याह कर द्यो।" 3 उसके माता-पिता नै उसतै कह्या, "के तेरे भाईयाँ की बेट्टियाँ म्ह, या म्हारे सारे माणसां म्ह कोए जनान्नी न्ही सै, के तू खतनारहित पलिश्तियाँ की छोरी तै ब्याह करणा चाहवै सैं?" शिमशोन नै अपणे पिता तै कह्या, "उसे तै मेरा ब्याह करा दे; क्यूँके मन्नै वोए आच्छी लाग्गै सै।" 4 उसके माता-पिता न्ही जाणै थे के या बात यहोवा की और तै सै, के वो पलिश्तियाँ के बिरुध्द दाँव ढूँढै सै। उस बखत वो पलिश्ती इस्राएल पै प्रभुता करैं थे।