Eclesiastes 3

हर काम करने रा एक बखत

1 जो कुछ आसे एते दुनिया दे करूँए तिजी खे एक बखत ओआ।

2 जम्मणे रा बखत, ओर मरने रा बी एक बखत ओआ,

बाणे रा बखत ओर बाए रे खे बाडणे रा बी एक बखत ओआ।

3 युद्धो दे काणे रा ओर ठीक करने रा बी बखत ओआ,

ओर कुछ चीजा रा टाल़ने रा ओर बनाणे रा बी बखत ओआ।

4 दु:खो दे रोणे रा ओर खुशिया दे आसणे रा बी एक बखत ओआ,

शोक करने रा ओर नाचणे रा बी एक बखत ओआ।

5 पात्थर सेटणे रा ओर पात्थर कट्ठे करने रा बी बखत ओआ,

ओर गल़े लगाणे रा ओर गल़े लगाणे ते रूकणे रा बी एक बखत ओआ।

6 टोल़ने रा ओर रचाणे रा बी एक बखत ओआ,

ओर बचाई की राखणे रा ओर सेटणे रा बखत ओआ;

7 फाड़ने रा ओर सीऊँणे रा बी बखत ओआ,

चुप रणे रा ओर बोलणे रा बी एक बखत ओआ।

8 प्यार करने रा ओर दुश्मणी करने रा बी बखत ओआ,

ओर लड़ाई करने रा ओर मिलणे रा बी एक बखत ओआ।