5 कैदखाने मां पतरस बड़े दिहाड़न तगर पेरहे मां थियो, पन सारी कलीसिया तैसेरेलेइ परमेशरे कां प्राथना केरने लगोरी थी।
7 त अचानक परमेशरेरो स्वर्गदूत कैदखाने मां अव, ते सारो कैदखानो ट्लकड़ो भोइ जेव, स्वर्गदूते पतरसे खित्ती देइतां बींझ़ाव ते ज़ोवं, "उठ, ते लूश केर।" ते शंगलां पतरसेरे हथ्थन सैहींयेरां खुल्ली जेई। 10 तै दूइयोवं पेरहेदारे करां बेइर निस्तां अव, ते लोंहेरे फाटके कां पुज़्ज़ो, ज़ै नगरेरे पासे खुलतो थियो, तै फाटक तैन केरे लेई अपने आप खुल्लो, ते तैना तैट्ठां निस्तां दूर पुज़्ज़े, स्वर्गदूत पतरसे तैड़ी पुज़ेइतां गैइब भोइ जेव।
12 ज़ैखन तै एस बारे मां सोचने लग्गोरो थियो, त मरियमरे घरे पुज़्ज़ो, ज़ै यूहन्ना ज़ैस जो मरकुस ज़ोते थिये तैसेरी अम्मा थी। तैड़ी बड़े विश्वासी लोक अकोट्ठे भोइतां प्राथना केरने लग्गोरो थिये। 13 पतरसे बेइरियोवं दार गुड़कावं त अक नौकरानी ज़ेसारू नवं रूदे थियूं, तै दार खोलने आई। 14 तैसां पतरसेरी गल शुनी ते तैसां गल पिशानी ते बगैर दार खोलनेरां दौड़ती खुशी भोइतां आई, ते ज़ोने लगी, पतरस बेइर दारे मां एवरोए। 15 तैना मैन्हु ज़ोने लगे, "तू कुन पागल भोवरिस।" पन ज़ैखन तैसां रोड़ेच़ारे ज़ोवं, कि तै पतरसे, त तैना ज़ोने लगे "पतरस त नईं पन पतरसेरो स्वर्गदूत भोल्हो।" 16 ते पतरस बेइर दार गुड़कातो राव, ते ज़ैखन तैनेईं दार खोल्लू त पतरस लेहितां हैरान रेइजे।