1 अन्ताकिया नगरेरे कलीसियाई मां काई नबी ते उपदेशक थिये, मतलब बरनबास, शमौन ज़ैस जो नीगर भी ज़ोतन, लूकियुस कुरेनी, ते मनाहेम ज़ै मुल्खेरे च़ेवरोवं हिस्से पुड़ हाकिम थियो ज़ै हेरोदेसेरो दुद्ध ढ्ला थियो, ते शाऊल थियो। 2 ज़ैखन तैना बरत रेखतां प्रभुएरी आराधना केरने लग्गोरो थिये, त पवित्र आत्मा तैन सेइं ज़ोवं, "ज़ैस सेवारे लेई बरनबास ते शाऊल मीं कुजेवरेन, तैसेरेलेइ तैन अलग केरा।" 3 तैखन तैनेईं बरत रेखतां प्राथना की, ते तैन पुड़ हथ रेखतां तैना परमेशरेरे कम्मेरे लेई भेज़े।