प्रेरित 18:12-17

12 ज़ैखन गल्‍लियो, अखाया इलाकेरो हाकिम थियो, त यहूदेईं मिलतां पौलुसे पुड़ हमलो कमाव, ते पौलुस ट्लेइतां आदालतरे तखते कां नियो, ते ज़ोने लग्गे, 13 "ऐह लोकन समझ़ाते, कि परमेशरेरी आराधना एन्च़रे केरा, ज़ै मूसेरे कानूनेरे बिलकुल बरखलाफे।" 14 पौलुस ज़ैखन किछ ज़ोने बालो थियो, त गल्‍लियोए यहूदन सेइं ज़ोवं, "हे यहूदी लोकव, अगर केन्ची जुर्मेरी या कोई बड़ी बुरी गल भोथी त अवं तुश्शी शुनेथो। 15 पन तुश्शो इलज़ाम त सिर्फ खाली गल्‍लां केरो ते नंव्वां केरो ते तुश्शे कानूनेरे बारे मांए, ते अवं न ज़ैंनी, किजोकि अवं एन गल्‍लां केरो हाकिम बन्नो न चैई।" 16 ते गल्‍लियोए हुक्म दित्तो कि एन तखते करां बेइरोवं कढे। 17 तैखन तैनेईं सेब्भेईं प्राथना घरेरो प्रधान सोस्थिनेस न्यायेरे तखतेरे सामने कुट्टो, पन गल्‍लियोए एन गल्‍लां केरि किछ भी परवाह न कमाई।