Gênesis 39

7 इन गल्‍लां केरे बाद एरू भोवं, कि तैसेरे मालिकेरी कौन्शां यूसुफेरे पासे तक्‍कू ते ज़ोवं, "मीं सेइं साथी झ़ुल्‍ल।" 8 पन तैनी इन्कार केरतां अपने मालिकेरी कौन्शी सेइं ज़ोवं, "शुन, ज़ैन किछ इस घरे मां मेरे हथ्थे मांए; तैस मेरो मालिक किछ न ज़ाने, ते तैनी अपनु सब किछ मेरे हथ्थे मां सौंफेरूए। 9 इस घरे मां मीं करां बड्डो कोई नईं; ते तैनी तेरे अलावा ज़ै तू तैसेरी कौन्शस, किछ नईं रखेरू; एल्हेरेलेइ भला, अवं एत्रो बड्डो पाप केरतां परमेशरेरो पापी किजो बेनि?" 10 ते एरू भोवं कि तै रोज़ यूसुफे सेइं गल्‍लां केरती राई, पन तैनी तैसेरी गल न मन्नी कि तैस सेइं साथी झ़ुल्‍ले या तैस साथी राए। 11 एक्सां एरू भोवं कि यूसुफ अपनु कम काज़ केरने घरे मां जेव, ते घरेरे नौकरन मरां कोई भी घरे न थियो। 12 तैखन तैस कौन्शां तैसेरू लिगड़ ट्लेइतां ज़ोवं, "मीं सेइं साथी झ़ुल्‍ल," पन तै अपनो चोगो तैसारे हथ्थे मां छ़ेडतां बेइरोवं नेश्शी जेव।