उत्पत्ति 45

यूसुफ अपनो आप बांदो केरते

1 तैखन यहूदेरी गल्‍लां शुन्ते यूसुफे तैना सब, ज़ैना तैसेरे आसे-पासे खड़े थिये, अपने आपे तै रोकी न बटो; ते ज़ोरे सेइं ज़ोवं, "मेरे आसे पासेरां सेब्भी मैन्हन बेइरोवं कढा।" ढ्लान कां अपनो आप बांदो केरनेरे मौके यूसुफे सेइं साथी होरो कोई न थियो। 2 तैखन तै चिन्डां मैरतां लेरां लगो देने; ते मिस्रेइं भी शुनू, ते फ़िरौनेरे घरेरे लोकन भी एस गल्‍लरो पतो लगो। 3 तैखन यूसुफ अपने ढ्लान सेइं ज़ोने लगो, "अवं यूसुफ आईं, कुन मेरो बाजी हुन्ना तगर भी ज़ींतोए?" तैसेरो जुवाब तैसेरे ढ्ला न देइ बटे; किजोकि तैना तैसेरे सामने डेरि जेवरे थिये।