इब्रानियों 12

7 ऐह हदैइत तुश्शे समझ़नेरे लेइए, एस बल्हे सेइं बरदाशत केरा, परमेशर तुसन अपना मट्ठां सेमझ़तां बर्ताव केरते, किजोकि तैन कौन ज़ेरू मट्ठूए ज़ैस तैसेरो बाजी समझ़ाए नन्ना? 8 पन अगर तुसन सुधारे न गाथ ज़ेसेरे हिस्सेदार सब भोतन त तुस न गैर औलाद भोनेथ न की अपना मट्ठां। 9 एसेरे अलावा ज़ैखन इश्शे जिसमानी बाजी सुधारते रहते थिये ते अस तैन केरि इज़्ज़त केरते राए, त कुन आत्मां केरो बाजी यानी परमेशरेरी जादे इज़्ज़त न केरम ताके ज़ींते रहम। 10 इश्शे जिसमानी बाजी त थोड़े दिहाड़ां केरे लेई एपनी समझ़रे मुताबिक असन सुधारते रहते थिये, पन परमेशर इश्शे फैइदेरे लेई असन सुधारते ताके असां तैसेरी पवित्रतैई मां शामल भोम।