मत्ती 5

यीशुएरे चेले लौ ते लूनेरे ज़ेरेन।

13 "तुस इस दुनियारे लोकां केरे लेई लूनेरे ज़ेरे आथ, पन अगर लूनेरो सुवाद च़ेलि गाए, त फिरी दुबारां केन्च़रे तैसेरो सुवाद वापस आनेले? फिरी तैन कोन्ची कम्मेरू न राए, सुवाए बेइरोवं शारनेरां ते लोकां केरे पांवेइं सेइं ढ्लेन्च़ोनेरां।"

14 "तुस इस दुनियारे लोकां केरे लेई लौअरे ज़ेरे आथ। ज़ैन नगर पहाड़े पुड़ बसते तैन कधे भी छ़ेप्पी न सके। 15 लोक बलतो दीयो हेटी मां न रखन, पन तैस उच्‍ची ठैरी रखतन ताके घरेरे सैरी मैन्हन लौ पुज़्ज़े। 16 ते एन्च़रे तुश्शी लौ मैन्हु केरे सामने एरी चमके, ताके तैना तुश्शां रोड़ां कम्मां हेरतां तुश्शे सुर्गेरे बाजेरी तारीफ़ केरन।"