मत्ती 5

19 एल्हेरेलेइ ज़ै कोई इन निकड़े करां निकड़े हुक्मन मरां केन्ची एक्‍की ज़ेरे ट्लोड़ते ते होरन भी एन्ने केरनू शिखालते, तै सुर्गेरे राज़्ज़े मां सेब्भन करां निकड़ो भोल्हो, पन ज़ै तैन हुक्मन पुड़ अमल केरते ते होरन भी एन हुक्मन पुड़ च़लनेरे बारे मां शिखालते त तै सुर्गेरे राज़्ज़े मां बड्डो भोल्हो। 20 किजोकि अवं तुसन सेइं ज़ोताईं कि ज़ांतगर तुस शास्त्री ते फरीसी लोकन करां रोड़े च़ारे कानूने न मन्नेले, तांतगर तुस सुर्गेरे राज़्ज़े मां दाखल न भोइ सकतथ।"