14 पन प्रभु पुड़ लोकेईं विश्वास न कियो त तैना तैसेरू नवं किजो घिन्न? ते ज़ेसेरे बारे मां तैनेईं शुनोरू नईं तैस पुड़ केन्च़रां विश्वास केरेले? ते अगर तैसेरे बारे मां कोई प्रचार न केरे त तैना केन्च़रां शुनी बटतन? 15 ते अगर कोई प्रचार केरनेरे भेज़ो न गाए त तैना केन्च़रे शुनेई बटतन? ज़ेन्च़रे पवित्रशास्त्र ज़ोते, "तैन केरे पव केत्रे रोड़ेन, ज़ैना खुशखबरी शुनातन!" 16 पन सेब्भेईं तै खुशखबरी कबूल न की। यशायाह नबी ज़ोते, "हे प्रभु कोई इश्शे सन्देशे पुड़ विश्वास न केरे।" 17 एल्हेरेलेइ मसीहेरे बारे मां सन्देश शुन्नेरे बगैर कोई भी तैस पुड़ विश्वास न केरि बटे।