35 कौन असन मसीहेरे प्यारे करां अलग केरि बटते? मुसीबत या तंगी, या ज़ुलम, या काल, या नगूपन, या खतरो, या तलवार? इन मरां कोई भी चीज़ असन मसीहेरे प्यारे करां अलग न केरि बटे। 36 ज़ेन्च़रे पवित्रशास्त्रे मां लिखेरूए, "तेरे लेई अस हर वक्त मौतरे खतरे मां रहतम; अस मैरोने बैली भैड्डां केरे ज़ेरे गने जेवरेम।" 37 पन ज़ैने असन सेइं प्यार कियोरोए, तैसेरे ज़िरिये असन पूरे तरीके सेइं एन सैरी बुरी गल्‍लां पुड़ ज़ीत हासिल आहे।