1 Pedro 5

2 Baalka ɛsaa ɛ Zɛɛb zedjɛ bin ɛ, dáa bɛmbaalel ɛ mɛsaa. Sa bi ààsa yɛ nɛ bhel, bi goka ɛ́ nɛ sa yɛ ɛ́ nɛ lyem wat dáa Zɛɛb di ekwyɛl ɛ. É di’enek, sa bi ɛ́ ààsa yɛ kɔ mɛsɔ mɛ epata, bi sa yɛ ɛ́ nɛ kwyɛl djas. 3 Nàdjɛɛdka bot ɛ Zɛɛb nadjɛ bin bak ɔ, djɛɛda bhel. Tin, bi goka ɛ́ nɛ ɛdi ɛ́ bɛmbɛɛ bɛdjɛɛdel ɛ ɛsaa di egoka nɛ ɛdu mɛfulu mɔɔ ɛ. 4 Deenek, é sok nakuma bɛmbaalel aazyɛ ɛ, sa bi aabela tyee efute na kɔm-kɔm ɛ, yɛ ɛ́ kɔtɔ duu.

Mɛlyo nɛ ekeletyɛ djas

5 Tin, biyɔ mengbaaz, loobaka nɛ bɛpaa, dika nɛ mɛsila pak’en. Ekwyala na Dɛɛ lɛɛ ɛ́ náá: «Zɛɛb ààkwyɛl bot ɛ ɛghɛɛ nyel, nyɛ sa enɛm bɛ ɛ́ nɛ bot ɛ di ààghɛɛ nyel ɔ✝5.5 Eka 3.34.»