Ghalasi 1

Sim Mbɛɛ Bhaadal

6 Mɛ ɛpedjoka nɛ dáa bi zeleelum Zɛɛb mot nazedjóo bin kɔ enɛm nɛ embɛɛ ɛ Klisto ɔ koŋ ɛ. Étɛp ɛdu dhiiti mbi mɛlyo mɛ bɛdhiiti bot di eke náá, yɛ ɛ́ Mbɛɛ Bhaadal ɔ. 7 Deenek, ye tok nɛ dhiiti mbi Mbɛɛ Bhaadal! Yɛ ɛ́ bot ɛ di ezɛm bin, bɛ kwyɛl ɛ́ ɛswoola Mbɛɛ Bhaadal ɛ Klisto. 8 Tin, ye nakoozodi bisɔ bɛmet, nɛghu fofop dus tɔ gwoo ɔ, mot ɛ zyɛ zɛgoola bin dhiiti Mbɛɛ Bhaadal di ààbɛ tyee wat nɛ yii bis nagoola bin ɔ, mot tak bela mbee baka! 9 Bis eezelɛɛ yɛ, mɛ ɛpebaabasal bin yɛ nenak. Mot ɛ zɛgoola bin Mbɛɛ Bhaadal sis di ààbɛ tyee wat nɛ yii bi nazegwak ɔ, mot tak goka ɛ́ nɛ ɛbela mbee baka.