4 bɛ eezɛke nɛ Yezu náá: «Lyoel, bis mɛt moma yak ɛ́, nyɛy esa ɛzɔ. 5 Tɔ etsi ɛ Moiiz, ye lɛɛ ɛ́ náá, ye goka ɛ́ náá, moma yak góaa nɛ mɛkok*8.5 Tɔ etsi ɛ Moiiz, ye lɛɛ ɛ́ náá, ye goka ɛ́ náá, moma yak góaa nɛ mɛkok Msa 20.10; Dɛt 22.22-24. Yɛ kabɛ wɔy ɔɔ, wɔ ke náá, bɛ sa moma yak dáa?»

6 Bɛ nadi eke deenek ɛ́, étɛp ɛlóo ɛ́ nyɛ pɛ ɛko, da bwood nyɛ pɛ kyɛ. Etɛɛ náá, bhii tak bɛ neekɛpit nyɛ. É di’enek, Yezu eezɛsil mis si, nyɛ moo ekwyal é bɔs nɛ djin. 7 Dáa bɛghaŋ ɛ mɛkana mɛ etsi, nɛ eFalizyɛ nadi ebelal nyɛ nɛ mɛdjin ɛ, nyɛ ɛ́ booben lo, gwyák bɛ. Bhii tak, nyɛ eezɛke nɛ nɔɔ náá: «Pak biyɔ djas di tin yenek, mot di náá, nyɛ dinaa ààpasa mesyem ɔ, nyɛ di mot mɛkɛn e ɛwus moma yak ɛkok!» 8 Bhii tak nyɛ eebaazɛmalal, tin nyɛ eebaakan ɛkwyal é bɔs. 9 Dáa bɛ nagwak deenek ɛ́, tin kili, mot nɛ mot naazɛliig mis, sik, kan nɛ eboo bot, zɛnɔɔ mengbaaz nɛ bɔɔ dhyeeb. Bhii tak, Yezu nazokalik ɛ́ bɔɔ bɛbá, bɛ nɛ moma nadi tetel sok bhwoob’ɛ ɔ.

10 É di’enek, Yezu eezɛben lo bhii tak, nyɛ eezɛke nɛ moma tak náá: «Wɛn moma, bot ɛ zɛpit wɔ ɔ moo wo? Tɔ sama yɔɔ, ye tok nɛ mot kwyesal wɔ ndjɛ sɔs é?» 11 Moma tak eezɛbɔɔza náá: «Ààbɛ, Ghɛŋ! Mot ààpakwyesal mɛ ndjɛ sɔs.» Deenek Yezu ɛ́ boozɛke nɛ nɛ náá: «Dɔɔ nɛ mam pe, mɛ ààpakwyesal wɔ ndjɛ sɔs. Tɔ́a yɔ, sa wɔ ààbaasa mesyem.»]