Yɛ ɛ́ ɛzɛ di dhil-mot tɔ Ɛyoŋ ɛ di tɔ gwoo ɛ?
1 É ɛwala ɛlenek, bɛdjekel naazɛtiila é bhaaz ɛ Yezu, bɛ naazɛdji nyɛ náá: «Yɛ ɛ́ ɛzɛ ɛ di boo-mot tɔ Ɛyoŋ ɛ di tɔ gwoo ɛ?» 2 É di’enek, wɔ gwaa Yezu zɛdjóo mɔɔ dhyeeb, zɛtel nyɛ kuku ɛbwak é mis mɔɔ. 3 Nyɛy nɛ nɔɔ náá: «Mɛ lɛɛ bin ɛ́ etɛp e tsɛɛtsɛ náá: Bi ɛ́ di ààswoola mɛfulu men, da bi ɛ́ di dáa bɔɔ dhyeeb ɔɔ, bi aanàkwaani tɔ Ɛyoŋ ɛ di tɔ gwoo ɛ. 4 Boo-mot tɔ Ɛyoŋ ɛ di tɔ gwoo ɔ, yɛ ɛ́ mot di esil nyel’ɛ, da nyɛ ɛ́ di dáa mɔn’ak ɔ. 5 Mot ɛ be ɛnyɔɛpe mɔɔ dhyeeb dáa mɔn’ak kɔ ɛsu ɛ din ɛ lam ɔɔ, nyɛ be ɛ́ mam.»
Kana bhata nabelaaa bhii nyɛ nazediib ɛ
10 «Bi ɛ́ koobaka! Sa mot ààbyasal mot ngɔt tɔ bɔn bak etɛɛ náá, efofop bɔɔ dyeebadi ɛ́, é di wat é mɛwala djas bɛ nɛ Saagam di pɛ tɔ gwoo ɔ. [