Ɛdulaa mɛlɔ kɔ ɛsu ɛ ɛkwyesal ɛ bot tɔ mesyem
6 «Mot aakwyesal mɔn ngɔt tɔ sama bɔn zedum koŋ nɛ nam tɔ mesyem ɔɔ, ye goka ɛ́ náá, bɛ tsel nyɛ boo ɛkok é tsuŋ. Bhii tak, da bɛ ɛ́ lóo nyɛ tɔ boo dii mɛsɔn, da nyɛ ɛ́ diida kɛkum pɛ si. 7 Haaa kpaa-ghoŋ nɛ bot ɛ di esa náá, bɔn-nyɛɛg bema mɛbɛk18.7 bema mɛbɛk kwyɛl ɛlɛɛ ɛ, ɛsa mesyem. ɔ. Ɛnyɔ náá, mɛbɛk di. Tin, haaa kpaa-ghoŋ nɛ mot aadi ɛbɛk ɛ tak ɔ. 8 Yɛ bɛ náá, yɛ ɛ́ mbɔ’ɔ, nɛghu ko’ɔ ɛ́ di esa náá, wɔ gheekwyekwyɛ tɔ mesyem ɔɔ, tsaala yɛ, da wɔ ɛ́ mwas yɛ ɛtsetaɛpe nɛ nɔ. Ye goka ɛ́ náá, wɔ ni tɔ mbɛɛ tsik nɛ tsaala mbɔ, nɛghu tsaala ko, ààbɛ náá, wɔ baal mɛmbɔ mɛmbá nɛ mɛko mɛmbá, bhii tak, wɔ kakɛmwasaa ɛ́ tɔ du na kɔm-kɔm. 9 Yɛ bɛ náá, dis ɛ lɔ ɛ di esa náá, wɔ kwyɛ, tɔ mesyem ɔɔ, piida yɛ, da wɔ ɛ́ mwas yɛ ɛtsetaɛpe nɛ nɔ. Ye goka ɛ́ náá, wɔ ni tɔ mbɛɛ tsik nɛ tiila dis, ààbɛ náá, wɔ baal mis mɛmbá mɔ, bhii tak, wɔ kakɛmwasaa ɛ́ tɔ du na kɔm-kɔm.»