Marcos 7

Muljearea Siro-Fenicianã

24 Deapoea s-nchisi di aclo shi s-dusi tu cãsãbãlu a Tirlui. Intrã tu unã casã sh-vrea tsi vãrã s-nu shtibã, ma nu putu s-armãnã ascumtu. 25 Unã muljeari, tsi hiljea a ljei avea un duh nicuratã, avdzãnda di Isusul, vini sh-cãdzu la cicioarili a lui. 26 Tora atsea muljeari eara elinã, cu arãdãtsinã Sirofenicã. Shi lji si rugã a lui tsi s-lu aĝunea draclu di hiljea a ljei. 27 Iarã Isusul dzãsi: "Alasã cilimenjlji*7:27 cilimenjlji Vrea s-dzãc cilimenjlji a Israelui, shi cãtsãlji a cãnjilor va s-dzãc nu-Iudeilji. prota s-fãnãteascã, cã nu easti ghini s-ljeai pãnea a-cilimenjilor shi s-u arutsã a cãtsãljilor." 28 Ma ea apãndisi shi lj-dzãsi: "Ghini ma greshti, Doamne, ma shi cãtsãljilji sum measã mãcã sãrmili a cilimenjilor!" 29 Atumtsea elu lj-dzãsi: "Trã aestu zbor a tãu, fudz, draclu ishi di hiljea a-ta!" 30 Sh-ea, cãndu s-turnã la casa a-ljei, u-aflã feata tu pat shi draclu avea ishitã.