12 Ŋgwɔʼmbi kʉ̂ʉ kə́ tíŋ, mbʉ bəlɔntəŋ-bi njuɔ bûu nə wuŋ gwè ghɔ̀ŋ tʉ ɔŋ mbɔ, "Ẅɔ̀ʼhə bɔŋ, bɔŋ gɛ̀ lɛ́nə yəŋbə mu lɔʼ-bətə̂ŋ-tə ndə i bɛ mbʉə bʉʼʉ leʼnə mu ntəʼhə ndə məkʉ́ʉ fɔyubə ghɔŋbə yəŋ-chí-bə, bʉʼka bʉʼʉ nɔ bɛ fɛ̄ŋ ndə yəŋ-mu-ŋkɔ-kə."

13 Bɔŋ ɔ bə̀ŋhə mbɔ, "B̈ii kɔ́ fɔbə tʉ bɔŋ, b̈ɔ̂ŋ yú."

Bɔ̂ŋ bə̀ŋhə mbɔ, "Baʼa nɔ kie haʼ mbyu-bele-hə itaa, nə mbyu-mbɔʼ-hə ibûu, yaʼkɛŋ mbɔ baʼa gɛ̀ nyúɔ fɔbə tʉ bɔŋ bənchəŋ." 14 Ŋkɔŋ-bələŋ-hə kə́ bɛ chɔ bətaa.

Bɔŋ ɔ leʼ ghɔ̀ŋ tʉ vâafɔʼɔ-bi mbɔ, "B̈ii téʼ b̈ɔŋ dùʼtə sê tənuɔtənuɔ nə wuŋ taa wuŋ taa." 15 Mbʉ vâafɔʼɔ-bi chìi haʼ nɔ, téʼ bɔŋ dùʼtə sê. 16 Ndʉʉmɛ, ɔ lʉ̀ mbʉ mbyu-bele-hə itaa leʼnə mbʉ mbyu-mbɔʼ-hə ibûu, lɛ́nə yuo, kɔ́ ndɔ, bə́ʼtə, kɔ́ tʉ vâafɔʼɔ-bi mbɔ bɔ̂ŋ tʉ́ʼtə bəshʉ mbʉ nuɔ-bʉə. 17 Bɔ̂ŋ bənchəŋ yú tə yúotə. Bɔ̂ŋ lɛ̀ʼtə shyiibə njuɔ bûu nə wuŋ i lə́ŋtə nə kwuʼkwuʼ-bele.