24 Ndʉʉ ndə bɔ̂ŋ gwè dàa Kabanu, bʉə ndə bɔ̂ŋ kə́ fí tashi*17:24 Tashi-ɔ nɔ bɛ kyʉə ndə wotəmiyɔŋ kə́ lɔ̀ʼ ndə tʉ-ŋgʉʼʉmbi-kə, vaabələŋ lʉ̀ hə ndə ŋgʉʼhə wuŋ bûu ndə mətɔ́ŋ fɔ̀ʼ mu njaafɛ̀ʼndɛŋNyii nə yɔŋ. mu njaafɛ̀ʼndɛŋNyii gwè tʉ Bita, bíʼtə tʉ ɔŋ mbɔ, "C̃hicha-a lɔ̀ʼ mbʉ tashi-ghɔ̄ fe?" 25 Ɔ ghɔ̀ŋ mbɔ, "Ɔŋ." Ndʉʉ ndə ɔ ŋíi mu njaa, Jiso fəŋ kwə́ʼ tʉ ɔŋ ghɔ̀ŋ mbɔ, "A kwɔ̀ʼtə mbuka Samu? B̃əfɔŋ kəwʉʉnəmbi-bɔ̄ŋ fí lɔʼɔ-fia-bə, byuunɔ tashi, hə kəghɔ bənda? Hə kəghɔ-vâabələŋ-bi mɛ, kə hə kəghɔ bəntoʼŋgwe?"

26 Ndʉʉ ndə ɔ kə ghɔ̀ŋ mbɔ, "Kəghɔ-bəntoʼŋgwe." Jiso bə̀ŋhə mbɔ, "I dʉ̀ʼ mbɔ mbʉ vâabələŋ-bi kie ndə mə lɔ̀ʼ fɛ. 27 Bɔŋ ndə məchìi təmə tʉʉ bʉə-bɔ̄ŋ byʉ́ʼ fɛ, lʉ̀ sɔʼnduɔŋ gɛ̀ mɔ̀ʼ mu taanə-kəghəŋ-kə. Fəŋ mbɔʼ ndə a yá, ndʉʉ ndə a bu ŋɔ́ʼhə chu-i nɔ, a bu nyíɛ kyʉə mu chu-ɔ ndə bəkɔ i lɔ̀ʼ tashi-a ghɔŋ yɔŋ-yə. Fyúhə gɛ̀ kɔ́ tʉ bɔŋ yie-baʼa."