3 Ndə Jiso kə dùʼ ndəŋ Kwɔŋ-bəTyʉ-Oli, vâafɔʼɔ-bi gwè bíʼtə tʉ ɔŋ bɔ̌ŋbɔ̌ŋ mbɔ, "Shyíi baʼa nə ndʉʉ ndə nubə-ɔ̄ŋ inchəŋ bu yi fyú chɔ, leʼnə ntɛ kəcheʼ ndə i bu yi dʉ̀ʼ məgwe-a leʼnə məlìʼ mbi?"
4 Jiso bə̀ŋhə tʉ bɔŋ mbɔ, "B̈ii láa mbɔ wo mə yi fə́ʼhə bii fɛ. 5 Bʉʼka bʉə buŋmbi bu yi gwè yie-mɔ, kə́ ghɔ̀ŋ mbɔ, ‘Mɔ nɔ bɛ mbəŋ-ɛŋ ndə Nyii Kùŋ Tə́ŋ,’ bɔŋ-bu-leʼ fə́ʼhə bʉə buŋmbi. 6 Bii bu yʉ́ chɔ̂tə ghɔŋbə nchyʉhə-chɔ̂-mə. Kə i mə chɔ́ŋhə bii fɛ, bʉʼka nubə-ɔ̄ŋ nɔ kie ndə məfyú sê, təmə bɔŋ nɔʼ bɛ bə mə lìʼ mbi fɛ. 7 Bʉʼka lɔʼ-bətə̂ŋ-tə bu lɔ̀ tə́nə ghɔŋbə bəbɛʼlɔʼ-bətə̂ŋ-tə, bəfɔŋ bətə̂ŋ bu lɔ̀ tə́nə ghɔŋbə bəbɛʼbəfɔŋ-bətə̂ŋ. Chyʉʉ bu gwù, chisêkə ŋʉ̀ʼnə bəyəŋbəyəŋ. 8 Nchəŋnchəŋ bənu-ɔ̄ŋ nɔ bɛ haʼ nchʉʉhə-kəyɔʼ-Nyii ndə i byùu woke.
9 "Ndʉʉmɛ, bə bu yá bii chɔ̀ʼhə kɔ́, bə chɔ́ŋhə bii tə buŋ yí bii, lɔʼ-bətə̂ŋ-tə bənchəŋ bàa bii bʉʼka bii mɔ̀ʼfyiihə-ii ndəŋ mɔ. 10 Ndʉʉmɛ, bʉə buŋmbi bu mɛ̀ʼtə məmɔʼfyiihə-ʉə ndəŋ Nyii, kə́ fɛ̀ŋ ŋwɔŋtə-ʉə, bɔŋleʼ bàanə shʉtə-ʉə. 11 Buŋmbi bʉəyʉkəŋgieNyii nə mbii bu fyú, fə́ʼhə bʉə buŋmbi. 12 Bʉ̂ʼʉ bu bìʼ yɔ́ŋ gɛ̀ nə shʉbə, ŋkʉ̂ʉ ndə bʉə buŋmbi kie, bu ghʉ́ə. 14 Ntəŋjyujyu-ɔ̄ te Sɔ́ʼ Fɔŋ Yuo, bə bu lɔ̀ʼ yə̀ŋ wʉʉnəmbikə fúu ndə mənú gwù, mbɔ lɔʼ-bətə̂ŋ-tə inchəŋ chʉʼ yʉ́, ndʉʉmɛ mbi bu lìʼ.
29 "Haʼ ndʉʉmɛ ndə ndʉʉ ŋgʉəʼ-shʉ́əshʉ́ə-ghɔ̄ nɔʼ tíŋ nɔ,
njəŋkə gwù ndəŋ chichi
təmə chisuu leʼ báa fɛ,
bəlɔʼɔ yuo bu gwùtə,
bə bɔŋleʼ ŋɛ̀hə nu-shʉ́əshʉ́ə-bə ndə bɔ̂ŋ bɛ yuo. 24:29 Adaya 13:10; 34:4; Jɔɛ 2:10.
30 "Ndʉʉmɛ, cheʼkə bu fyú yuo ndə mədʉ̀ʼ məgwè Vaa-Woməsʉʉ, lɔʼ-bətə̂ŋ-tə inchəŋ kəchisê bu kə́ lí. Bɔ̂ŋ bu nyíɛ Vaa-Woməsʉʉ, ɔ kə́ shíʼ gwè hə ndəŋ mbɔʼ-yuo-kə nə ghʉəʼkə leʼnə məŋwɔ̀ʼkwɛʼtəŋ. 31 Bə bu tʉ́ʉ gyʉəʼə nə ghʉəʼkə, ɔ tə́ŋ bʉəntəŋ-bi, kɔ́ mbi ndə məchə̀ŋtə bʉə ndə ɔ nɔʼ kə séʼ bɔŋ ndəŋ byûu-mbi-tə kwi, lɔ̀ hə ndə byûu yuo imɔʼ, gɛ̀ dàa ndə ibɛʼ-yə.
36 "Bɔŋ ndə chî-ghɔ̄-kə byuunɔ mbʉ ndʉʉ ndə ɔ bu gwè chɔ, wotəmiyɔŋ kínə fɛ, tə buŋ kɔmə bʉəntəŋNyii ndə bɔ̂ŋ bɛ yuo, byuunɔ mbʉ Vaa, nɔ bɔŋ kínə haʼ mbʉ Tie tətɛʼ ɔ.
44 Nɔ, mbəŋ-yii ghɔ nɔ kie ndə məshʉ̀tə ŋwɔŋ-yii bʉʼka mbɔ Vaa-Woməsʉʉ bu bɔ̀ʼtə gwè ndʉʉ ndə a gòʼ təmə kínə fɛ.