Ndyiʼtə-fɛʼɛ-kə
31 "Ndʉʉ ndə Vaa-Woməsʉʉ bu gwè mu məŋwɔʼmə-i, ghɔŋbə bʉəntəŋNyii bənchəŋ gwè mɔʼɔ, ndʉʉmɛ, ɔ bu yétə ndəŋ yetə-məgʉ́ə-kə-i. 32 Lɔʼ-bətə̂ŋ-tə inchəŋ kəwʉʉnəmbi chə̀ŋtə bəshʉ ɔ, ɔ bu tíetə bʉəməsʉʉ ndə nchyii bihə tíetə binjyʉʉhə fyúhə mu biŋgoʼhə. 33 Ɔ bu tʉ́ʼtə binjyʉʉhə kwiimɔʼnə-ɔŋ, tʉ́ʼtə biŋgoʼhə kwiiŋkwie-ɔ. 34 Ndʉʉmɛ, mbʉ Fɔŋ bu bʉ́ tʉ bʉə ndə bɔ̂ŋ bɛ kwiimɔʼnə-ɔŋ mbɔ, ‘B̈ii gwè, bii ndə Tie-ɔ nɔʼ bìʼ bii nə tʉʉjyu, gwè kie yii-yə yʉʉ mu sɔ́ʼ Nyii ndə ɔ nɔʼ kə shʉ̀tə tʉ́ʼ tʉ bii wʉʉnəmbikə buŋ nə chʉ́ʉhə.
41 "Ɔ bu ghɔ̀ŋ ndʉʉmɛ, tʉ bʉə ndə bɔ̂ŋ bɛ kwiiŋkwie mbɔ, ‘B̈ii kwɛ̀ʼtə mbʉə mɔ, bii ndə ndɔŋ Nyii bɛ ndəŋ bii, gɛ̀ mu viʼi ndə bə kə shʉ̀tə tʉ Debulu ghɔŋbə bʉəntəŋ-bi təmə i kie liʼ-i fɛ. 46 Ntɛ bʉə-bʉəbʉə-bɔ̄ŋ bu gɛ̀ kəyəŋ nyíɛ ŋgʉəʼ təmə liʼ-i ghɔ fɛ, bʉə ndə bɔ̂ŋ bɛ ndyʉndyʉ tʉ Nyii gɛ̀ ndə məchímbi təmə liʼ-i ghɔ fɛ."