Matia 9

Jiso bʉ̀nə byʉ̀hə vaabəkebɛʼ ndə ɔ nɔʼ kə kwú bɔŋleʼ chʉ́ʼ wokebɛʼ

18 Ndə Jiso kə́ kwə́ʼ nubə-ɔ̄ŋ tʉ bɔŋ, kə nyíɛ, wokwɛʼtəŋbɛʼ ŋíi gwè kwíʼtə bəshʉ ɔ, ghɔ̀ŋ tʉ ɔŋ mbɔ, "Vaa-ɔŋ vaabəke nɔʼ kwú haʼ nduɔ, gwè kə̀ŋ ɔŋ nə ghɔkə-a, ɔ chʉʼ bʉ̀nə."

19 Jiso lɔ̀ hə sê gɛ̀ hə bɔ̌ŋ ɔŋ, ghɔŋbə vâafɔʼɔ-bi. 20 Kə nyíɛ, wokebɛʼ ndə ɔ nɔʼ kə nyíɛ ŋgʉəʼ nə mbʉʼtəkə-i ndəŋ ŋgʉʼhə njuɔ bûu nə wuŋ, gwè hə bɔ̌ŋ liɛŋ-ɔŋ kə̀ŋ tiɛŋ-ndyi-i. 21 Bʉʼka ɔ nɔ nə gìe tʉ ŋwɔŋ-ɛŋ mbɔ, "Kaʼ mɔ kə̀ŋ haʼ tiɛŋ-ndyi-i, bə chìi mɔ kie nchʉʼ."

22 Jiso kʉ̂ʉ kíahə ŋwɔŋ-ɛŋ nyíɛ ɔŋ, ghɔ̀ŋ tʉ ɔŋ mbɔ, "Yá fyii-a, ŋaʼ, məmɔʼfyii-a ndə a mɔ̀ʼ ndəŋ mɔ, nɔʼ chìi yɔʼkə-a tíŋ." Haʼ ndʉʉmɛ, mbʉ woke-ghɔ̄ kie nchʉʼ.

23 Ndʉʉ ndə Jiso kə gwè dàa mu njaa mbʉ wokwɛʼtəŋ, nyíɛ bʉə tʉ́ʉ ndʉʉhə leʼnə nuɔ-bʉə ndə bɔ̂ŋ tʉʼ kwʉ̀ʉnə, 24 ɔ ghɔ̀ŋ mbɔ, "B̈ii bənchəŋ fyú mbi, bʉʼka mbʉ vaa chʉʼ kwú fɛ, ɔ nɔ tʉʼ bɛ́ŋbɛ́ŋ." Bɔ̂ŋ chʉ́əʼ ɔ. 25 Ndʉʉ ndə ɔ tʉ́ʉhə mbʉ nuɔ-bʉə kɔ́ mbi, ɔ sʉ́ʉ mu njaa, yá ɔ ndəŋ kwii-i, mbʉ vaabəke lɔ̀ hə sê. 26 Bəsɔʼka kənu-ɔ̄ŋ wɔ̀ʼnə yə̀ŋ mu bie-ghɔ̄ inchəŋ.