9 Jiso kʉ̂ʉ lɔ̀ hə chɔ, kə́ tòʼ gɛ̀, nyíɛ wobɛʼ ndə bə kə́ tíi ɔ nə Matia, ɔ kə́ dùʼ mu vaa-njaa fí tashi, ghɔ̀ŋ tʉ ɔŋ mbɔ, "Gwè hə bɔ̌ŋ mɔ." Ɔ lɔ̀ hə sê gɛ̀ hə bɔ̌ŋ ɔŋ.
10 Ndʉʉ ndə Jiso kə dùʼ ndəŋ tebele mu njaa Matia ndə məyú fɔbə, kə kwɔnə nyíɛ, buŋmbi bʉə fí tashi ghɔŋbə bʉə-bʉ̂ʼʉ gwè ghɔŋ bɔŋ dùʼ mɔʼɔ leʼnə vâafɔʼɔ-bi ndə məyú fɔbə. 11 Ndʉʉ ndə bʉə-Falasi kə nyíɛ yɔ̄ŋ-yə, bɔ̂ŋ bíʼtə tʉ vâafɔʼɔ Jiso mbɔ, "Chìi ka chicha-yii kə́ yú fɔbə ghɔŋbə bʉə fí tashi leʼnə bʉə-bʉ̂ʼʉ?" 12 Bɔŋ ndʉʉ ndə Jiso kə yʉ́, ɔ ghɔ̀ŋ mbɔ, "Kaa w̃o shʉ́əshʉ́ə ndə ɔ gɛ̀ tʉ dota fɛ, nɔ gɛ̀ wokəyɔʼ. 13 B̈ii gɛ̀ kʉ́ʉ nukə ndə ŋwɔʼnə-Nyii ghɔ̀ŋ mbɔ, ‘Mɔ nɔ kʉ̀ʉ bə mbɔ b̈ii kə́ dʉ̀ʼ tʉvyiikə tʉ bəbɛʼbʉə, mɔ kʉ̀ʉ kɔ-fɛ̀ʼndɛŋ-kə fɛ.’ Bʉʼka mɔ gwè ndə mətíi bʉə ndə bɔ̂ŋ kwɔ̀ʼtə mbɔ bɔ̂ŋ bɛ ndyʉndyʉ fɛ, mɔ nɔ gwè ndə mətíi bʉə-bʉ̂ʼʉ."
Bə bíʼtə nubə te məjì muu
(Mak 2:18-22; Luk 5:33-39)