1 Petili 5

Chilundo cha wanhu walingumkunda Kilistu

1 Heni nda sekulu chilongozi wa chilundo cha wanhu walingumkunda Kilistu, mbele ndigawene magazo ga Kilistu na ndochilumba kuli ukulu wougubuligwa, ndanguwadedezani, 2 mchidime chila chilundo cha Nguluwi chompeligwe, mchilolele haiwele kwa lupichi ila kwa kugana mwemwe baho, kota vyoyalingugana Nguluwi. Mkole mijito ajo haiwele kwa maya ga sendi, ila mdite kwa nhumbula ya hemwe yeng’ha. 3 Mleche kuwalongoza kwa lupichi wanhu awo wawichigwe hali wamizi wa hemwe, ila muwe ulajilo kwa acho chilundo.