Luka 9

38 Kɩɛ baalɛ wʋrʋ lɩɩ jama baa tɩba kuusi tawɩ sɛ, <<Wʋkalaasa, maa sʋlʋ nyaŋ bɛ kɩɛ ma bu fa maŋ, akala takɩɛ wʋ nyiŋeŋ n nyina mabu. 39 Feliŋ sʋbʋ kɔŋ wʋ dʋɔ na, gabʋanaŋ sɛ wʋ a kuusi, sɛ ŋii karɩɛ ɩ lɔ tibi, afɔŋɩ ɩ yela afʋfʋ a lɩɩ wʋ nʋɔ naŋ. Ŋii yela ɩ bileŋ n, ama ŋii nyala ɩ pɔɩ na ŋii yela ɩ. 40 Ma sʋlʋ nya kpalɛnara baa sɛ ba n geŋ feliŋ sʋbʋ wʋŋ lɩɩ wʋ tɩba, ama ba n dɩlɛ ɛ.>>

41 Sɛ Yesu tawɩ ba sɛ, <<O, amɩɛ gɩnanaŋ baa ɩɩ lɩɛ ɩ di sɛ amɩɛ gbɩɛsɛ n chirigi i. Mʋ ga tala wɩɛ aŋmaŋ sɛ maŋ na amɩɛ dɩ n cha? Mʋ ga tala wɩɛ aŋmaŋ sɛ ma n yu digela fa amɩɛ? Mʋ nbu wʋŋ kɔna maŋ.>>

42 Gʋ wʋchaa wʋŋ a kɔnɛ na, feliŋ sʋbʋ wʋŋ kara ɩ lɔ tibi yela afɔŋɩ ɩ. Ama Yesu fʋba feliŋ sʋbʋ wʋŋ dʋɔ sɛ wʋ chɔ wʋchaa wʋŋ sɛ wʋ mʋ ɩ fa wʋjuo. 43 Ganaŋkʋ Yesu lɩsɛ Ɩsʋɔ gɩjanɛ kalaa na yɩɛ bakpa baa kpiniŋ doba. Gʋ ŋɩ saŋ ŋɩ wɩɛ ba doba lɩɩna ŋii Yesu yɩɛ na, wʋ tawɩ wʋ kpalɛnara baa