NGALATIYA 1

Musamu wumbote wumosi kaka

6 Meno nina yituku mu manzangu ma lubeki mu nyafuna Nzambi, yondowo wu lutumisi mu mambote ma Klisto, bu lubangumukini mu landa musamu wumbote*1.6 Musamu wumbote wuhiika, yobobo bedi samunanga musamu wumbote bewowo wuhiika, bedi lomba ku bantu mu vumina Misiku mi Mose, mu zengoso bu bakala mpe mu hambana na yobobo balembolo ba Bayudayo. Kufwanikisa Ngl 2.3-5,12-14 wuhiika. 7 Kaani, kunaani musamu wuhiika wumbote, kansi kuu na bantu batiidi mu nata mvwanzi ha kati dyeno na batiidi mu vwanzikisa Musamu Wumbote wu Klisto. 8 Kansi, tala ti yeto hoti mbazi yi fumini ku yulu, yizidi mu luteela Musamu Wumbote wuswaswana na myomyo mi tulusamunini, bika kasingu! 9 Watuteka luteela, nabwesi ta wo dyaka: tala ti muntu wu lusamunini Musamu Wumbote wuswaswana na wo wulutambudi, bika kasingu!