19 Ni hahoho zimpangi, tuu na kimpwanza mu kota mu kihinga ki hyokidi kilongo, mu dyambu di menga ma Yesu. 20 Wutuzibudila nzila yimoona na yimoyo mu hwahwa di mulele ha mwelo, mpila mosi ti, mu dyambu di nsuni andi. 21 Tweka bwabu na Mfumu Nganga-Nzambi yi batuudidi ha mutu wu nzo-Nzambi. 22 Tufinameeno bwabu ku Nzambi na mutima wu makedika, mpe na kiminu kimvimba, mutima wuvedila mu mayindu mambi na nitu yisukuka mu mamba mavedila.