ጾሳ ሀንቁ ኩሜዳ ከረቱዋ
1 ሄዋፐ ጉይያን፥ ላፑ ኪታንቻቶ፥ "ቢደ ጾሳ ሀንቁዋ ላፑ ከርያፐ ሳኣን ጉስተ" ያጊደ፥ ጌሻ ጎልያፐ ሃሳይያ ዎልቃማ ኮሻ ታን ስሳድ።
2 ኮይሮ ኪታንቻይ ቢደ፥ ባረ ከርያን ደእያዋ ሳኣን ጉስና፥ ዶኣ ማላይ ደእያዋንቱ ቦላነ ሄ ዶኣ ምስለዉ ጎይንያዋንቱ ቦላ ሎይ ሳክያ ማይ ከሴዳ።16:2 ከሳ 9:10
3 ላኤን ኪታንቻይ ባረ ከርያን ደእያዋ አባን ጉስና አባ ሃይ ሀይቄዳ አሳ ሱ ማላቴዳ። ቃይ አባን ደእያ መታ ኡባይካ ሀይቂ አጌዳ።
4 ሄዘን ኪታንቻይ ባረ ከርያን ደእያዋ ሻፋቱዋንነ ፑልታቱዋን ጉስና ኡንቱንቱ ሱ ግዴድኖ።16:4 ከሳ 7:17-21፤ ማዝ. 78:44 5 ሃዉ አዎትያ ኪታንቻይ ሀዋዳን ያግያዋ፥ ታን ስሳድ፤
"ካሰካ ሀእካ ደእያ ጎዳዉ፥
ጌሻዉ፥ ሀ ፕርዳ ፕርዴዳ ድራዉ፥
ኔን ጽሉዋ።
6 ኡንቱንቱ ጌሻቱዋ ሱነ፥
ናባቱዋ ሱ ጉሴዳ ድራዉ፥
ኔን ኡንቱንታ ኡሻናዉ፥
ሱ ኡንቱንቶ እማዳ።
ኡንቱንቱ ባረንቶ፥
በስያዋ አኬድኖ"
ያጌዳ።
7 ያርሹዋ ያርሽያ ሳፐ፥
"ጎዳዉ፥ ኡባፐ ዎልቃማ ጾሳዉ፥
ነ ፕርዳይ ቱሙዋነ ጽሉዋ!"
ያግያ ኮሻ ታን ስሳድ።
8 ኦይደን ኪታንቻይ ባረ ከርያን ደእያዋ አዋይፍያ ቦላን ጉስና ባረ ታማ ሴላን አሳ ጉዳናዉ፥ አዋይፈዉ ማታይ እመቴዳ። 9 አሳይ ዎልቃማ ሴላን ጉደቲደ ሀ ቦሻቱዋ ቦላን ማታይ ደእያ ጾሳ ሱን ቦሬዳ። ሽን ባረ ናጋራፐ ስምቤናነ ጾሳ ግታተካ ቦንችቤና።
10 እቼሸን ኪታንቻይ ባረ ከርያን ደእያዋ ዶኣ ካዉተ ኦይድያ ቦላ ጉስና፥ ሄ ዶኣ ካዉተይ ሜዳ። አሳይ ባረ ሴላ ድራዉ፥ ባረ እንጻርሳ ሳኤዳ።16:10 ከሳ 10:21 11 ቃይ አሳይ ባረ ሴላ ድራዉነ ባረ ማይ ድራዉ ሳሉዋ ጾሳ ሸቄዳ። ሽን ባረ ኦዳ ናጋራፐ ስምቤና።
12 ኡሱፑን ኪታንቻይ ባረ ከርያን ደእያዋ ዎጋ ኤፍራጺሳ ጌተትያ ሻፋን ጉስና አዋይ ዶልያ ባጋፐ ያና ካታቶ ኦጊ ጊጋናዳን፥ ሃይ መሌዳ።16:12 ኢሳ. 11:15 13 ሄዋፐ ጉይያን፥ ታን ሼያ ማላትያ ሄዙ ቱና አያናቱ ዳዊያ ዶናፐ፥ ዱኣ ዶናፐነ ዎርዱዋ ትምቢትያ ኦድያዋ ዶናፐ ከስሽን በኣድ። 14 ኡንቱንቱ ማላቱዋ ኦያ ጻላሀቱዋ አያናቱዋ። ሄ ሄዙ ኢታ አያናቱ ኡባፐ ዎልቃማ ጾሳ ዎልቃማ ጋላሳን፥ ሳኣ ካታቱዋ ኡባ ኦላዉ ሺሻናዉ ባና።
15 "በአ፥ ታን ካይሱዋዳን ያና። አሳ ስንን ካሎ ሀመቲደ ዬላተና ማላ፥ ገምእሸናን ባረ ማዩዋ ማዪደ ናግያ ኡራይ አንጀቴዳዋ!" ያጌዳ።
16 ሄ ኢታ አያናቱ ካተቱዋ እብራይስጸ ቃላን አርማገዶና16:16 አርማገዶና፦ ሀ ቃላዉ ኮይሮት ደእያ እብራይስጽያ መታይ፥ "ሀር-ማግዶ" ያግያዋ ግዲደ፥ "ሀር-ማግዶ" ግያዎ ደእያ ብለይ፥ "ሜግዶ-ዞዝያ" ያግያዋ። ሀዋ ጉሳይ በን ዎድያን አሳይ ጮራ ኦላ ኦለቴዳ ሳኣ ጉሳ። ጌተትያ ሳኣ ሺሼድኖ።16:16 2 ካታ. 23:29፤ ዛካ. 12:11
17 ላፑን ኪታንቻይ ባረ ከርያን ደእያዋ ጫርኩዋን ጉስና፥ ጌሻ ጎልያን ደእያ አራታፐ፥ "ፖለቴዳ" ያግያ ዎልቃማ ኮሻይ ዬዳ። 18 ሄዋፐ ጉይያን፥ ዋልቃንይ ዎልቃሜዳ፤ ጉንይ ስሰቴዳ፤ ጉጉንይካ ጉሜዳ። ቃይ ቢታይ ፓላ ቃ ቃጼዳ። አሳይ ሳኣን መቶደፐካ ቢታይ ሄዋ ማላ ቃ ቃጽ ኤረና፤ ሄዌ ኡባፐ አዳ ቃ። 19 ዎልቃማ ካታማይ ሄዙ ከሲደ ዛኤዳ። ቢታ ኡባን ደእያ ካታማቱ ዬድኖ። ጾሳይ ዎልቃማ ባብሎኖ ቆፒደ፥ ባረ ኢታ ሀንቁዋ ዎይንያ ኤሳይ ኩሜዳ ቡርጩኩዋፐ ዎይንያ ኤሳ ባብሎኖ ኡሼዳ።16:19 ኢሳ. 51:17 20 አባን ዶደቴዳ ቢታይ ኡባይ ዬዳ፤ ደሪካ ቤትቤና። 21 አሳ ቦላ ኦይታሙ ኪሎ ኬና ዴጽያ ዎልቃማ ሻቻይ ሳሉዋፐ ዎዳ። አሳይ ሄ ሻቻ ቦሻ ድራዉ፥ ጾሳ ቦሬዳ፤ አያዉ ጎፐ፥ ቦሻይ ዳሮ ዎልቃማ።16:21 ከሳ 9:23፤ ሳፃ 11:19
/images/a/Tcg2NiV7ce24OT6kCIQGR)
/images/a/lTDTr17sdXbuk0Q46fQTo)