ጾሳይ ዮሃንሳ ባረ ካዉተ ኦይድያ ስን አሄዳ
1 ሄዋፐ ጉይያን፥ ታን ሳሉዋን ዶያ ፐንግያ በኣድ፤ ቃይ ታዉ ማላካታዳን ኦድሽን፥ ታን ስሴዳ ኮይሮ ኮሻይ ታና፤ "ሀዋፐ ጉይያን፥ ሀናናዉ በስያዋ ታን ኔና በሳና፤ ሃ ከሳ" ያጌዳ። 2 ኤለካ ታን ጌሻ አያና ሞዱዋ ግዶ ገላ አጋድ። በእተ፥ ሳሉዋን ካዉተ ኦይዲ ደኤ፤ ሄ ኦይድያን እቱ ኡቴዳ።4:2-3 ህዝ. 1:26-28፤ 10:1 3 ሄ ኡቴዳዋ ማላይ አልኦ እያስጲድያ ሹቻዳንነ አልኦ ሰርድኖነ ሹቻዳን ጶሌ። ካዉታ ኦይዲ ዙሉዋን ዩይ አደ ኡባ ባጋና አልኦ ማርግድያ ሹቻዳን ጶሌ። 4 ሄ ካዉተ ኦይድያ ዩይ አደ፥ ሀራ ላታማነ ኦይዱ ካዉተ ኦይደቱ ደኢኖ፤ ኡንቱንቱን ቦ ማዩዋ ማዪደ፥ ሁጲያን ዎርቃ ካላቻ ዎዳ ላታማነ ኦይዱ ጭማቱ ኡቴድኖ። 5 ካዉተ ኦይድያፐ ዋልቃንይ፥ ኮሹንቻይነ ጉጉን ጉንይ ከሴዳ፤ ቃይ ካዉተ ኦይድያ ስንን ላፑ ጾምፓቱ ፖኢኖ። ሄዋንቱ ጾሳ ላፑ አያናቱዋ።4:5 ከሳ 19:16፤ ሳፃ 8:5፤ 11:19፤ 16:18፤ ህዝ. 1:13፤ ሳፃ 1:4፤ ዛካ. 4:2 6 ካዉተ ኦይድያ ስንን ብርልያ ማላትያ ቡርጩኩዋ አባይ ደኤ።4:6-7 ህዝ. 1:5-10፤ 10:14
ሄ ካዉተ ኦይድያፐ ስንናነ ጉየና አ ማታን ዩይ አደ፥ አይፊ ኩሜዳ ኦይዱ ደኡዋን ደእያ መታቱ ደኢኖ። 7 ኮይሮ ደኡዋን ደእያ መታይ ጋሙዋ ማላቴ፤ ላኤን ሚዛ ማራ ማላቴ፤ ሄዘንዋ ሶምእ አሳ ዴሙዋ ማላቴ፤ ቃይ ኦይደን ፓልያ አርጋን ማላቴ። 8 ኦይዱ ደኡዋን ደእያ መታቶ ሁጲያን ሁጲያን ኡሱፑን ቀፊ ደኤ፤ ኡንቱንቶ ቦላን ጋርሳንካ ኡባ ሳን አይፊ ኩሜዳ። ኡንቱንቱ ቃማነ ጋላስ፥
"ጌሻዉ፥ ጌሻዉ፥ ጌሻዉ፥
ካሰ ደእያዎ፥ ሀእካ ደእያዎ፥
ቃይ ስንፐ ያናዎ፥
ጎዳዉ፥ ኡባፐ ዎልቃማ ጾሳዉ"
ግያዋ አግክኖ።4:8 ህዝ. 1:18፤ 10:12፤ ኢሳ. 6:2-3 9 ሄ መታቱ ካዉተ ኦይድያን ኡቴዳ መ መናዉ ደኡዋን ደእያዋ ማዝሙርያን ሳቤዳ ዎደ፥ ቦንቼዳ ዎደነ ጋላቴዳ ዎደ፥ 10 ላታማነ ኦይዱ ጭማቱ ካዉተ ኦይድያን ኡቴዳ መ መናዉ ደእያዋ ስንን ጉፋኒደ፥ አዉ ጎይኒኖ፤ ባረንቱ ካላቻ ካዉተ ኦይድያ ስንን ዎደ ሀዋዳን ያጊኖ።
11 "ኑ ጎዳዉ ጾሳዉ፥
ኔን ቦንቹዋ፥
ሳባነ ዎልቃ አካናዉ በሳሳ።
አያዉ ጎፐ፥ ኡባባ ኔን መዳ፤
ቃይ ኡባባይካ፥ ኔን ኮዬዳዋዳን ሀኔዳነ ደኤዳ"
ያጊኖ።