ዮሃንሳ ሳፃ 18

ባብሎን ኩንደ

1 ሄዋፐ ጉይያን፥ ዎልቃማ ማታይ ደእያ ሀራ ኪታንቻይ ሳሉዋፐ ዎሽን፥ ታን በኣድ። ሄ ኪታንቻ ቦንቹ ሳኣ ፖእሴዳ።

2 ሄ ኪታንቻይ ባረ ኮሻ ቁ ኦደ፥

"እዛ ኩንዳዱ!

ዎልቃማ ባብሎና ኩንዳዱ!

ባብሎና ጻላሀቱ አቅያሳ ግዳዱ፤

ኢታ አያናቱ ኡባቱነ፥

እጸትያ ኢታ ካፋቱ ኡባቱ ኢን ደኢኖ።✝18:2 ኢሳ. 13:21፤ 21:9፤ ኤር. 50:39፤ 51:8፤ ሳፃ 14:8

3 አያዉ ጎፐ፥ አሳ ዛርያ ኡባ፥

ባረ ማይያ ዎይንያ ኤሳ ኡሽና፥

እዝና ዎሹሜድኖ።

ቃይካ ሳኣ ካታቱ፥

እዝና ዎሹሜድኖ።

እዝ እሻሎ ዎልቃ ጋሱዋን፥

ሳኣን ደእያ ዛልአንቻቱ ዱረቴድኖ"

ያጌዳ።✝18:3 ኢሳ. 23:17፤ ኤር. 51:7

4 ሄዋፐ ጉይያን፥

ታን ሳሉዋፐ፥

ሀዋዳን ያግያ ሀራ ኮሻ ስሳድ፤

"ታ አሳዉ፥ ኢፐ ከስተ!

እዝ ናጋራ እዝና ኮጾፕተ!

እዝ ሙራ ግሸቶፕተ።

5 አያዉ ጎፐ፥ እዝ ናጋራይ፥

ሳሉዋ ጋካናዉ ዶረት ኡቴዳ።

ጾሳይ እዝ ኢታ ባይዙዋ፥ ሀሳዬዳ።✝18:5 ዶመ 18:20-21፤ ኤር. 51:9

6 እዛ እሜዳዋ ኬና ዛሪደ፥

እዝዉ እምተ። እዛ ኦዳዎ፥

ላኡ ኩሽያ እዝዉ ቃንጽተ።

እዛ ህንተንቶ ጊግሴዳ ኡሻፐ፥

ላኡ ኩሽያ ኡሻ፥

እዝ ቡርጩኩዋ ኩንተ።✝18:6 ማዝ. 137:8፤ ኤር. 50:29

7 እዛ ቦንቼቴዳዋነ፥

እሻሌዳዋ ኬና፥

እዞ ቱጋይተነ ካዮይተ።

እዛ ባረ ዎዛናን፥

‘ታን ካታቲዳን ኡታይ፤

ታን አስናይ ባይና ማጫዉኖ ግድከ፤

ቃይ ኡባካ ካዮትከ’ ያጋዉ።✝18:7 ኢሳ. 47:7-9

8 ሄዋ ድራዉ፥ እዝ ቦሻ ኡባይ፥

ሀርጊ፥ ካዩነ ኮሻይ፥

እዞ እት ጋላስ ኦይቃና።

ቃይ እዛ ታማን ጉደታና፤

አያዉ ጎፐ፥

እዝ ቦላ ፕርድያ ጎዳ ጾሳይ፥ ዎልቃማ"

ያጌዳ።

9 ሳኣ ካታቱ፥ እዝና ዎሹሚደ እሻሌዳዋንቱ ሄ ካታማታ ጉደትና፥ ከስያ ጩዋ በኤዳ ዎደ፥ ካታማትዉ ኡንቱንቱ ዋሳናነ ዬካና።✝18:9-10 ህዝ. 26:16-17 10 ኡንቱንቱ ሄ ካታማት ኡጋዉ ያዬዳ ድራዉ፥ ሃክ ኤቂደ፥ "ሀ ዎልቃማ ካታማቴ! ዎልቃማ ካታማቴ! ባብሎኔ፥ ነዉ አዬሮ! ኔን አይ ማላ ቱጋታኒሻ። ኔን እት ሳትያ ግዶን ነ ፕርዳ አካዳ" ያጋና።

11 ኡንቱንቱ ማርካብያ ጫና ሀዋፐ ስንናዉ ሻምያባይ ባይና ድራዉ፥ ሳኣን ደእያ ዛልአንቻቱ ሄ ካታማትዉ ዋሳናነ ካዮታና።✝18:11 ህዝ. 27:31፣ 36 12 ኡንቱንቱ ዎርቃ፥ ብራ፥ ቦንቾ ሹቻ፥ እንቁዋ ጌተትያ አልኦ ሹቻ፥ ቴራ ኦቻ ማላትያ ማዩዋ፥ ሱፍያ ማላ ማዩዋ፥ ሀርያ ጌተትያ ማዩዋ፥ ዞኦ ማዩዋ፥ ኡባ ቆሞ ሳዊያ ም፥ ኡባ ቆሙዋን ኦዳ ዳንጋርሳ አቻ፥ አልኦ ምፐ መቴዳባ፥ ናሃስያ፥ ብራታ፥ እብነበረድያ ጌተትያ ሹቻ፥✝18:12-13 ህዝ. 27:12፣ 13፣ 22 13 ቃራፋ፥ ቅማምያ፥ እጻና፥ ሽቱዋ፥ ሳዊያ እጻና ልያ፥ ዎይንያ ኤሳ፥ ዎጋራ ዛይትያ፥ ሊቄዳ ልያ፥ ዛርጋ፥ ሚዛ፥ ዶርሳ፥ ፓራነ ፓራይ ጎችያ ጋርያ፥ ኡንቱንቱ አይለቱዋነ ሀራይ አቶ አሳ ሸምፑነ ሻምያባይካ ባዋ።

14 ዛልአንቻቱ ምሽራትዉ፥

"ኔን አሞቴዳ፥

ሎኦባይ ኡባይ ኔፐ ሀል ድጌዳ።

ነ ደኡነ፥

አሌቀትያባይ ኡባይ ይድጌዳ።

ኔን ላኤን ኡንቱንታ ኡባካ ደማካ"

ያጌድኖ።

15 ሄ ካታማትን ዛልኢደ ዱረቴዳ ዛልአንቻቱ እዝ ኡጋዉ ያዪደ፥ ኢፐ ሃኪደ ኤቃና። ኡንቱንቱ ዬካናነ ካዮታና።✝18:15 ህዝ. 27:31፣ 36 16 ቃይ፥

"ሱፍያ ጌተትያ፥

ክርያን ዳደቴዳ ማዩዋ፥

ቴራ ኦቻ ማላትያ፥

ማዩዋነ ዞኦ ማዩዋ ማያደ፥

ዎርቃ አሌቁዋን፥

ቦንቾ ሹቻንነ፥

እንቁዋ ጌተትያ አልኦ ሹቻን አሌቄዳ፥

ሄ ዎልቃማ ካታማትዉ አዬሮ!

17 ሀዋ ኬና ዎልቃማ ማጹ ኡባይ፥

እት ሳትያ ግዶን፥ ድፕ ግ ይ አጌዳ"

ያጌድኖ።

ማርካብያ ላግያ ኡባቱ፥ ማርካብያን ብያ ኡባቱ፥ ማርካብያን ኦያ ኡባቱነ አባን ኦ ጎኤትያ ኡባቱ ሃክ ኤቄድኖ።✝18:17 ኢሳ. 23:14፤ ህዝ. 27:26-30 18 ሄ ካታማታ ጉደትና ከስያ ጩዋ በኤዳ ዎደ ባረንቱ ኮሻ ቁ ኦደ፥ "ሀ ዎልቃማ ካታማቶ ማላትያ ካታማይ ኡባካ ባዋ" ያጌድኖ።✝18:18 ህዝ. 27:32

19 ኡንቱንቱ ባረንቱ ሁጲያን ባና ቆሊደ፥ ዋሴድኖነ ካዮቴድኖ፤

"አባን ማርካባቱ ደእያ ኡባ፥

ባረ ማቁዋን ዱረዬዳ፥

ዎልቃማ ካታማትዉ አዬሮ!

ቃይ እዝዉ ደእያባይ ኡባይ

እት ሳትያ ግዶን ይ አጌዳ።✝18:19 ህዝ. 27:30-34

20 ሄ ካታማታ ዬዳ ድራዉ፥

ሳሎ፥ ናሸታ!

ጌሻቶ፥ የሱስ ኪቴዳዋንቶ፥

ናባቶ፥ ናሸትተ!

አያዉ ጎፐ፥

እዛ ህንተንታ ኦዳዋ ድራዉ፥

ጾሳይ እዞ ፕርዴዳ" ያጌዳ።✝18:20 ዛረ. 32:43፤ ኤር. 51:48

21 ሄዋፐ ጉይያን፥

ዎልቃማ ኪታንቻይ፥

ዎጻ ማላትያ ዎልቃማ ሹቻ፥

ደን አባን ኦሊደ ሀዋዳን ያጌዳ፤

"ዎልቃማ ካታማታ፥

ባብሎና፥ ሱግና ሀዋዳን ኩንዳና፤

እዛ ሀቼፐ ስንዉ፥ ኡባካ ቤቱኩ።✝18:21 ኤር. 51:63-64፤ ህዝ. 26:21

22 ዲ ዲጽያዋንቱነ፥

ማዝሙርያ የጽያዋንቱ፥

ሱሱልያነ ማላካታ ፑንያዋንቱ፥

ኮሻይ ሀዋፐ ህን ባጋን፥

ነ ግዶን ኡባካ ስሰተና።

ኩሽያ ሂላ ኤርያ ኦንነ፥

ላኤን ኡባካ ደኤና።

ዎጻ ኮሻይካ

ሀዋፐ ስንዉ ነ ግዶን ስሰተና።✝18:22 ህዝ. 26:13፤ ኢሳ. 24:8✝18:22-23 ኤር. 7:34፤ 25:10

23 ጾምፕያ ፖኡካ ላኤንዋ ነ ግዶን ፖኤና።

አክያዋ ኮሻይነ ገለዉን ኮሻይ፥

ስንዉ ነ ግዶን ስሰተና።

ነ ዛልአንቻቱ ሳኣ ኡባን፥

ኤረቴዳ ዎልቃማቱዋ።

ነ ብትያዋን አሳ ዛርያ ኡባይ ጭመቴዳ።

24 ናባቱዋ ሱይ፥

ጌሻቱዋ ሱይነ፥

ሳኣን ሀይቄዳ ኡባቱዋ ሱይ፥

እዝን ቤቴዳ ድራዉ፥

ባብሎና፥ ሙረታዱ"

ያጌዳ።✝18:24 ኤር. 51:49