1 ኤፈሶነን ደእያ ዎሳ ጎለ ኪታንቻዉ ሀዋዳን ያጋደ ጻፋ:

"ባረ ኡሸቻ ኩሽያን ላፑ ጾልንትያ ኦይቄዳዌ፥ ጾምፓቱዋ ዎያ ላፑ ዎርቃ ባላቱዋ ግዱዋና ሀመትያዌ ሀዋዳን ያጌ። 2 ታን ነ ኪታ፥ ነ ዳቡራነ ነ ገንጩዋ ኤራይ። ቃይ ኔን ኢታ አሳቱዋ ገንጫናዉ ዳንዳያቤናዋካ ታን ኤራይ፤ የሱስ ኪቴዳዋንታ ግደናን ደኢደ ባረንታ፥ ‘ኑን የሱስ ኪቴዳዋንታ’ ግያዋንታ ኔን ጾሞሳደ፥ ኡንቱንቱ ዎርዶ ግድያዋ ደሜዳዋካ ኤራይ። 3 ኔን ገንጫዳ፤ ቃይ ታ ሱን ድራዉካ መቱዋ ዳንዳያዳ፤ ዳቡራበይካ። 4 ሽን ታን ኔና ካያባይ ደኤ፤ አያዉ ጎፐ፥ ኔን ካሰ ነ ሲቁዋ አጋዳ። 5 ስም ኔን ሀቃፐ ኩንዳድንቶ አኬካ። ነ ናጋራፐ ስማ፤ ኔን ካሰ ኦያ ኦሱዋ ኦ። ሄዌ ዮፐ፥ ታን ኔኮ ያና፤ ያደ ኔን ነ ናጋራፐ ስማና ዮፐ፥ ኔን ጾምፕያ ዎያ ነ ባላ አ ሳኣፐ አካ ድጋና። 6 ሽን እትባ ሎይዳ፤ ኒቆላዋቱዋ ኦሱዋ፥ ታን እጽያዋ ኔንካ እጻዳ።

7 "ስሳናዉ ሀይይ ደእያ ኡራይ ጌሻ አያናይ ዎሳ ጎለቶ ግያዋ ስሶ፤ ታን ጾንያ ኡራዉ ጾሳ ገነትያን ሞክያ ደኡዋ ም አይፍያ ማናዉ እማና ያጌ"

ያጋደ ጻፋ።✝2:7 ዶመ 2:9፤ ሳፃ 22:2፤ ህዝ. 28:13፤ 31:8

8 ሳምርኔሳን ደእያ ዎሳ ጎለ ኪታንቻዉ ሀዋዳን ያጋደ ጻፋ:

"ሀይቄዳዌ፥ ሀይቁዋፐካ ደንዴዳዌ፥ ኮይሩነ ዉርሰይ ሀዋዳን ያጌ።✝2:8 ኢሳ. 44:6፤ 48:12፤ ሳፃ 1:17፤ 22:13 9 ታን ነ ዋይያነ ነ ህዬሳተ ኤራይ፤ ሽን ኔን ዱረ። አይሁዳ ግደናን ደኢደ ባረንታ፥ ኑን አይሁዳ ግያዋንቱ ቦርያዋ ታን ኤራይ፤ ሽን ኡንቱንቱ ሴጻና ማባራን ደኢኖ። 10 ኔን ዋየታና ዋየዉ ያዮፓ። በአ፥ ጻላህያ ካፑ ህንተፐ አማሬዳዋንታ ጾሞሳናዉ ቃሾ ጎለን የጋና፤ ታሙ ጋላሳ ጋካናዉ ህንተንቱ ዋየታና። ሀይቃና ጋካናስካ አማነቴዳዋ ግዳ፤ ታን ነዉ ደኡዋ ካላቻ*2:10 ደኡዋ ካላቻ፦ ቦንቼቴዳ ደኡዋ። እማና።

11 "ሀይይ ደእያ ኡራይ ጌሻ አያናይ ዎሳ ጎለቶ ግያዋ ስሶ!

"ጾንያ ኡራይ ላኤንዋ ሀይቁዋን*2:11 ላኤንዋ ሀይቁዋ፦ ኮይሮ ሀይቁ አሹ ሸምፑዋፐ ሻከትያዋ ግዶደ፥ ላኤን ሀይቁ ሸምፑ መናዉ መቶቲደ ደእያ ሀይቁዋ። ቆሄተና ያጌ"

ያጋደ ጻፋ።

12 ጰርጋሞናን ደእያ ዎሳ ጎለ ኪታንቻዉ ሀዋዳን ያጋደ ጻፋ:

"ላኡ ባጋና ሌፈቴዳ ማሻይ ደእያዌ ሀዋዳን ያጌ። 13 ‘ታን ኔን ደእያ ሳኣ ኤራይ። ኔን ሴጻና ካዉተ ኦይዲ ደእያ ሳኣን*2:13 ሴጻና ካዉተ ኦይዲ፦ ሀዋ ብለይ ሎይደ ቆንጨ ግደና፥ ሽን ሀዌ በስያዌ ጾሳ ኤረናን እጼዳዋንቱ ጎይንያ ጎይና ሳኣ ጋና ዳንዳየቴ። ደኣሳ፤ ታ ሱን ምንሳ ናጋሳ። ሀራይ አቶ፥ ሴጻናይ ደእያ ሳኣን ህንተንቱ ማታን አሳይ ዎዳ ታን አማንያ ማርካይ አንትጳስ ደእያ ዎደካ ታና አማንያዋ አጋ በይካ። 14 ሽን ታን ኔና ቦርያ ጉባይ ደኤ፤ እስራኤልያ አሳይ ኤቃዉ ያርሼዳ ቁማ ማናዳንነ ዎሹማናዳን ኡንቱንታ ናጋራ ኦስሴዳ ባላቃ ታማርሴዳ ባላማ ትምርትያ ታማርያ አማሬዳ አሳቱ ኔናና ደኢኖ።✝2:14 ፓይ. 25:5፣ 7፤ 31:16፤ ዛረ. 23:4፤ ፓይ. 25:1-3 15 ሄዋዳንካ፥ ቃይ ኒቆላዋቱዋ ትምርትያ ታማርያ አሳቱ ኔናና ደኢኖ። 16 ሄዋ ድራዉ፥ ኔን ነ ናጋራፐ ስማ፤ ሄዌ ዮፐ፥ ታን ኔኮ ኤለካ ያና፤ ሄ አሳቱዋና ታ ዶናፐ ከስያ ማሻን ኦለታና።

17 " ‘ሀይይ ደእያ ኡራይ ጌሻ አያናይ ዎሳ ጎለቶ ግያዋ ስሶ። ጾንያ ኡራዉ ታን ጌማን ደእያ ማናፐ አማሬዳዋ እማና። ቃይ ታን ቦ ሹቻካ አዉ እማና፤ አክያ ኡራፐ አትን፥ ኦንነ ኤረና ኦራ ሱንይ ሄ ሹቻ ቦላ ጻፈት ኡቴዳ’ ያጌ"

ያጋደ ጻፋ።✝2:17 ከሳ 16:14-15፤ 16:33-34፤ ዮሃ. 6:48-50፤ ኢሳ. 62:2፤ 65:15

18 ትያጽሮነን ደእያ ዎሳ ጎልያ ኪታንቻዉ ሀዋዳን ያጋደ ጻፋ:

"ጾሳ ናአይ፥ ታማ ላጩዋ ማላትያ አይፊ ደእያዌ፥ ቃይ ጮጭያ ታማን ቴሪደ ጶልያ ናሃስያ ጌተትያ ብራታ ማላትያ ገዲ ደእያዌ፥ ሀዋዳን ያጌ። 19 ታን ነ ኦሱዋ፥ ነ ሲቁዋ፥ ነ አማኑዋ፥ ነ ማዱዋነ ነ ገንጩዋ ኤራይ፤ ኔን ኮይሮ ኦያዋፐ ሀእ ዳርሳደ ኦያዋ ታን ኤራይ። 20 ሽን ታን ኔና ካያባይ ደኤ፤ ባረና፥ ታን ናባቶ ያግያ ምሽራቶ ኤልዛቤሎ ሸነኮ ጋዳ፤ ሄ ምሽራታ ታ ኦሳንቻቱ ዎሹማናዳንነ ኤቃዉ ያርሼዳ ቁማ ማናዳን፥ ታማርሳዉነ ባለዉ።✝2:20 1 ካታ. 16:31፤ 2 ካታ. 9:22፣ 30 21 እዛ ባረ ናጋራፐ ስማና ማላ፥ ታን እዝዉ ዎድያ እማድ፤ ሽን ዎሹማናዉ ካጄልያዋፐ እዛ ስማናዉ ኮያበይኩ። 22 በእተ፥ ታን እዞ ግሱዋን ኩንድስና፤ ሳኩዋን እዛ ዋየታና። እዝና ዎሹምያዋንቱ ሄ እዝና ኦያ ናጋራፐ ስማና ዮፐ፥ ኡንቱንታካ ዎልቃማ ዋይያን የጋና። 23 ታን እዝ ናናካ ዎና፤ ቃይ ዎሳ ጎልያ ኡባይካ ታን አሳ ቆፋነ አሙዋ ኤርያዋ ግድያዋ ኤራና፤ ታን ህንተንቶ ህንተንቱ ኪታ ማላ እማና።✝2:23 ማዝ. 7:9፤ ኤር. 17:10፤ ማዝ. 62:12

24 "ትያጽሮነን ደእያ ሀራቶ፥ ሀ ኢታ ትምርትያ ታማርቤናዋንቶ፥ ሀራቱ፥ ሴጻና ጪሞ የዉዋ ግያዋ ህንተንቱ ታማርቤይክታ፤ ታን ህንተንታ ሀራ ዴጹዋ ቶስከ ጋይ። 25 ሽን ታን ያና ጋካናዉ ህንተንቶ ደእያዋ ሎይ ናግተ።

26 "ጾኔዳዎነ ዉርሰይ ጋካናዉ፥ ታ ኪታ ናጌዳዎ፥ አሳ ዛርያ ኡባ ሞዳና ማላ፥ ታን ታ አዉዋፐ አኬዳ ማታ ማላ አዉ እማና፤

27 "እ አሳ ዛርያ ኡባ ብራታ ጻምኣን ሞዳናነ፥

ኡርቃፐ መታ ሚሻ መንያዋዳን መንና።✝2:27 ማዝ. 2:8-9

28 ቃይ ታን አዉ ባካልያ ጾልንትያ እማና። 29 ስሳናዉ ሀይይ ደእያ ኡራይ ጌሻ አያናይ ዎሳ ጎለቶ ግያዋ ስሶ ያጌ"

ያጋደ ጻፋ።