1 ሄዋፐ ጉይያን፥ ኪታንቻይ ታና ጾሳ ካዉተ ኦይድያፐነ ዶርሳ ካዉተ ኦይድያፐ ጎግያ ብርሊያዳን ጶልያ ደኡዋ ሃ ሻፋ በሴዳ።✝22:1 ህዝ. 47:1፤ ዛካ. 14:8 2 ሄ ሻፋይ ካታማ ኦግያ ግዱዋና ዱገ ጎጌ። ሻፋፐ ሄፍን ባጋናነ ሀፍን ባጋና አገናን እት ገደነ ላይን ታማነ ላኡ ገደ አይፍያ ደኡዋ ምይ ደኤ። ሄ ም ቦንቹ ደእያዌ፥ ዛርያ ኡባ ሀርግያፐ ፓናሳ።✝22:2 ዶመ 2:9፤ ህዝ. 47:12

3 ሄ ካታማን ጾሳ ሸቃይ አይነ ባዋ። ጾሳ ካዉተ ኦይዲነ ዶርሳ ካዉተ ኦይዲ ሄ ካታማን ደአና። ጾሳ ኦሳንቻቱ ጾሳዉ ጎይናና።✝22:3 ዛካ. 14:11 4 ኡንቱንቱ አ ዴሙዋ በአና፤ አ ሱንይ ኡንቱንቱ ዴሙዋን ጻፈታና። 5 ሄዋፐ ስንዉ ሀራ ቃማይ ባዋ። ኡንቱንቶ ጾምፕያ ዎይ አዋ ፖኡዋ ኮሸና፤ አያዉ ጎፐ፥ ጎዳይ ጾሳይ ኡንቱንቶ ጾምፕያ ግዳናዋ። ኡንቱንቱ መ መናዉ ካተታና።✝22:5 ኢሳ. 60:19፤ ዳኔላ 7:18

6 ሄዋፐ ጉይያን፥ ኪታንቻይ ታና ሀዋዳን ያጌዳ፤ "ሀ ታን ሃሳይያዌ ቱሙዋነ አማነትያዋ። ናባቶ ባረ ጌሻ አያና እምያ ጎዳይ ጾሳይ፥ ማታን ሀናናዉ በስያዋ ባረ ኦሳንቻቱዋ በሳናዉ ባረ ኪታንቻ ኪቴዳ" ያጌዳ።

7 የሱስ፥ "በአ! ታን ኤለካ ያና። ሀ ማጻፋን ደእያ ትምቢትያ ናግያዋንቱ አንጀቴዳዋንታ" ያጌዳ።

8 ታን ዮሃንስ፥ ሀ ኡባባ ስሳድነ በኣድ። ታን ሀዋ ስሴዳ ዎደነ በኤዳ ዎደ፥ ሄዋ ታና በሴዳ ኪታንቻዉ ጎይናናዉ፥ አ ገድያን ኩንዳድ። 9 ሽን ኪታንቻይ ታና፥ "ሄዋ ኦፓ። ታን ኔናዳንነ ናበ ግዴዳ ነ እሻቱዋዳን፥ ቃይ ማጻፋን ደእያባዉ አዛዘትያ ኡባቱዋዳን አይልያ። ጾሳዉ ጎይና" ያጌዳ።

10 ሄዋፐ ጉይያን፥ ኪታንቻይ ታና፥ "ሀናና ጌዳ ሀ ማጻፋ ቃላ ማታፋን ጎርዶፓ። አያዉ ጎፐ፥ ሀ ኡባባይ ፖለትያ ዎዲ ማታቴዳ። 11 ኢታባ ኦያዌ ጉጂደካ ኢታባ ኦ፤ ቱናይ ጉጂደካ ቱኖ። ሎኦባ ኦያዌ ጉጂደካ ሎኦባ ኦ፤ ጌሻይነ ጉጂደካ ጌሻ ግዶ" ያጌዳ።✝22:11 ዳኔላ 12:10

12 የሱስ፥ "በአ! ታን ኤለካ ያና። አሳ ኡባዉ አ ኦሱዋዳን እማናዉ፥ ታ ዎይታ አካ ያና።✝22:12 ኢሳ. 40:10፤ 62:11፤ ማዝ. 28:4፤ ኤር. 17:10 13 ታን አልፋነ ኦሜጋ፤ ኮይሩዋነ ዉርሰ፤ ዶመነ ፖሉዋ" ያጌዳ።✝22:13 ሳፃ 1:8፣ 17፤ 2:8፤ ኢሳ. 44:6፤ 48:12

14 ባረንቱ ማዩዋ ጌሽ ሜጭያዋንቱ አንጀቴዳዋንታ። ደኡዋ ም አይፍያ ማናዉነ ካታማ ፐንግያና ገላናዉ ኡንቱንቶ ማታይ እመቴዳ።✝22:14 ዶመ 2:9፤ 3:22 15 ሽን ካናቱ፥ ብትያዋንቱ፥ ዎሹምያዋንቱ፥ ሸምፑዋ ዎያዋንቱ፥ ኤቃዉ ጎይንያዋንቱነ ባረንቱ ሃሳያንነ ባረንቱ ኪታን ዎርዶትያዋንቱ ካረና ደኢኖ።

16 "ታን የሱስ፥ ሀ የዉዋ ህንተንቶ ዎሳ ጎለቱዋን ማርካታና ማላ፥ ታ ኪታንቻ ኪታድ። ታን ዳዊታ ጎልያ የለታ። ታን ፖእስያ ዎንታ ባካልያ" ያጌዳ።✝22:16 ኢሳ. 11:1፣ 10

17 ጌሻ አያናይነ ገለዉና፥ "ሃያ" ያጊኖ። ቃይ ሀዋ ስስያዌ ኦንነ፥ "ሃያ" ያጎ። ሳመቴዳ አሳይ ኦንነ ሃ ዮ። ደኡዋ ሃ ኮይያ አሳይ ኦንነ ጮ አኮ።✝22:17 ኢሳ. 55:1

18 ታን ሀ ማጻፋን ጻፈቴዳ ሀናና ጌዳ ቃላ ስስያ ኦናነ ዞራይ። ኦንነ ሀ ቃላ ቦላ እትባ ጉጆፐ፥ ጾሳይ ሀ ማጻፋን ጻፈቴዳ ቦሻ አ ቦላ ጉጃና። 19 ኦንነ ማጻፋን ደእያ ትምቢትያ ቃላፐ አያነ ፓጭሶፐ፥ ሀ ማጻፋ ግዶን ቆንጭሴዳ ደኡዋ ም አይፍያፐነ ጌሻ ካታማፐ አ ጋክያ ግሹዋ ጾሳይ ፓጭሳና።✝22:19 ዛረ. 4:2፤ 12:32

20 ሀ ኡባባዉ ማርካትያዌ፥ "ቱማ! ታን ኤለካ ያና" ያጌ።

አመንእ። ጎዳ የሱሳ፥ ኔን ሃያ።

21 ጎዳ የሱስ ክርስቶሳ አ ኬካተይ ህንተናና*22:21 ህንተናና፦ ጮራ ሀራ ብለቱዋን፥ ጾሳ አሳ ኡባና ያጌ። ኡባና ግዶ። አመንእ።