1 ኦዝያነ፥ እዮኣታም፥ አካዝነ ህዝቂያስ ካል ካሊደ ይሁዳን ካተቴዳ ዎደ፥ ቃይ ዮኣሻ ናአይ እዮርባም እስራኤልያን ካተቴዳ ዎደ፥ ብኤራ ናኣ ሆሰኮ ዬዳ መና ጎዳ ቃላይ ሀዋ።✝1:1 2 ካታ. 14:23—15:7፤ 15:32—16:20፤ 18:1—20:21፤ 2 ኦዱዋ 26:1—27:8፤ 28:1—32:33

2 መና ጎዳይ ኮይሮ ሆሰአ ባጋና ሃሳዬዳ ዎደ፥ መና ጎዳይ ሆሰአ፥ "ባ፤ ሻርሙጻ ምሽራቶ ነዉ አካ፤ ሻርሙጻትፐ ናናቱዋ የላ። አያዉ ጎፐ፥ ሻርሙጽያ ምሽራታ ባረ አስናፐ ሻከትያዋዳን፥ ታ አሳይ ታፐ ሻከቴዳ" ያጌ መና ጎዳይ።

3 ቢደ፥ ድብላይማ ናቶ ጎሜሮ አኬዳ፤ ሻሃራደ፥ አቱማ ናኣ አዉ የላዱ። 4 ያትና፥ መና ጎዳይ ሆሰአ፥ "ናኣ ሱን ‘እዝራኤላ’ ያጋደ ሱን። አያዉ ጎፐ፥ እዝራኤለን ጉኬዳ ሱ አጩዋ ታን ዬሁ ዛራቱዋ ቃን ዎድያን አቻና፤ እስራኤልያ ካዉተካ ይሳና።✝1:4 2 ካታ. 10:11 5 ሄ ጋላስ ታን እዝራኤላ ዛንጋራን እስራኤልያ ኦላንቻቱዋ መንሬና" ያጌዳ።

6 ጎሜራ ላኤንዋ ሻሃራደ፥ ማጫ ናቶ የላዱ። ያትና፥ መና ጎዳይ ሆሰአ፥ "እ ሱን ‘ሎሩሃሞ’ ያጋደ ሱን። አያዉ ጎፐ፥ ሀዋፐ ስንናዉ ታን እስራኤልያ አሳዉ ቃረትከ፤ ኡንቱንቶ ሙለካ አቶ ጊከ። 1:6 ሎሩሃሞ: ሎሩሃሞ ግያዌ ቃረተናኖ ግያዋ። 7 ሽን ታን ይሁዳ አሳዉ ቃረታና፤ ታን መና ጎዳን፥ ኡንቱንቱ ጾሳን፥ ኡንቱንታ አሻናፐ አትና፥ ዎንዳፍያን ዎይ ማሻን ዎይ ኦላን ዎይ ፓራቱዋን ዎይ ፓራ አሳቱዋን አሽከ" ያጌዳ።

8 ጎሜራ ሎሩሃሞ ን ዱዳዋፐ ጉይያን፥ ሀራ ሻሃራደ፥ አቱማ ናኣ የላዱ። 9 ያትና፥ መና ጎዳይ ሆሰአ፥ "አ ሱን ‘ሎኣማ’ ያጋደ ሱን። አያዉ ጎፐ፥ ህንተ ታ አሳ ግድክታ፤ ታንካ ህንተ ጾሳ ግድከ"*1:9 ሎኣማ፦ ሎኣማ ግያዌ ታ አሳ ግደና። ግያዋ።

10 ግዶፐነ "እስራኤልያ አሳይ ልካናዉነ ፓይዳናዉ ዳንዳየተና አባ ሻፍያ ኬሻ ግዳናዋ። ኡንቱንቶ፥ ‘ህንተ ታ አሳ ግድክታ’ ጌተት ኦደቴዳሳን፥ ‘ህንተ ደኡዋ ጾሳ ናናቱዋ’ ጌተታና።✝1:10 ሮመ 9:26 11 ይሁዳ አሳይነ እስራኤልያ አሳይ እትፐ ሺቃና፤ ባረዉ እት ካፑዋ ዶራና፤ ኦሞዱዋ ጋድያፐ ስማናነ እሻሊደ ደአና። አያዉ ጎፐ፥ እዝራኤላ*1:11 እዝራኤላ፦ ሀ ሱን ብለይ እብራዌዋን፥ "ጾሳይ ዘሬ" ጉሳ ግዲደ ጾሳይ ድችያዋነ እሻሉዋን ዎያዋ በሴ። ጋላሳይ ዎልቃማ ጋላሳ ግዳናዋ።