1 Pedro 3

Frues un Mana

1 Krakjt soo jie Frues, siet june ieejne Mana unjadon, soo daut uk, wan eenje daut Wuat onjehuarsom sent, dee onen daut Wuat muchten jewonnen woaren, derch de Frues äa Waundel, 2 wan see junen reinen Waundel enne Forcht aunseenen. 3 Lot jun Schmuck nich von buten sennen, met daut Hoa-Flajchten un Golt Omhenjen ooda Kjleeda-Auntrakjen; 4 oba de vestoakna Mensch von daut Hoat, en daut Onvewäsliche, met eenem saunften un stellen Jeist, woont ver Gott sea kjestlich es. 5 Wiels soo straumden sikj ieeschtemma de heilje Frues ut, dee äare Hopninj opp Gott saden un äare ieejne Mana unjadon wieren; 6 soo aus Sara Abraham jehuarsom wia un nand am Har; wäms Dajchta jie jeworden sent, wan jie Goodet doonen un junt nich fa irjent een Schrakj ferchten.