Paulus sien Breef aun de Kolossa 1

12 un Dank jäwen däm Voda, dee ons wirdich jemoakt haft fa daut Aundeel aum Oafgoot von de Heilje em Licht; 13 woona ons ut de Autorität*1:13 Ooda: Vollmacht. von de Diestanis jerat haft un vesat en daut Rikj von sien jeleewda Sän, 14 en woonem wie de Erleesunk haben derch sien Bloot, de Sinden-Vejäwunk; 15 woona daut Bilt von däm onsechtboaren Gott es, de Ieeschtjebuarna von aule Kjreatua. 16 Wiels derch Am es aules jeschaufen worden, waut em Himmel un opp Ieeden es, Sechtboaret un Onsechtboaret, auf daut Troonen ooda Harschoften ooda Ferschtentiema ooda Jewaulten sent; aules es derch Am un fa Am jeschaufen. 17 Un Hee es ver aules, un aules besteit en Am.