समुन्दरमेसे निकरके अइलक दैँतुरवा
1 समुन्दरमेसे एकथो दैँतुरवा निकरके आइल मै देख्नु। जेकर सातथो कपार रहिस, और ओम्ने दशथो सीङ रहिस। ओकर सीङमे दशथो मुकुट रहिस। और ओकर हरेक कपारीम परमेश्वरके नाउँ लिखल रहिस, जेकर प्रयोग करना उहिहे कौनो अधिकार नै रहिस। 2 मै जोन दैँतुरवाहे देख्नु उ चितुवा हस रहे। और ओकर गोरा भालूक गोरा हस रहिस। और ओकर मुह सिंहक मुह हस रहिस। और उ बरवार सँप्वा यी दैँतुरवाहे अपन शक्ति दैदेहल। और उहिहे पृथ्वीमे राज करना अधिकार देगिलिस।