प्रकाश 19:19,20

19 तब् मै उ दैँतुरवाहे देख्नु जे समुन्दरमेसे बाहेर आइल रहे। और पृथ्वीक रज्वनहे और ओइन्के सेननहे देख्नु। ओइने घोरवामे सवार होउइयक और हुँकार सेननके विरोधमे लड़ाई लरक जमा हुइलाँ। 20 तब् उ दैँतुरवा और ओकर हाजिरीमे अचम्मक काम करुइया और झूँटा सन्देश देहुइया दैँतुरवा दुनु जाने पकरवा पागिलाँ। उ झूँटा सन्देश देहुइया दैँतुरवा यी दैँतुरवक ओहोँरसे चमत्कारके काम देखाइल। और ऊ उ सक्कु मनैनहे धोखा देहल, जेने दैँतुरवक छाप अपन लिल्हारीमे लग्वाइल रहिँत। और जेने ओकर मूर्तिक पुजा करिँत। यी दुनु जाने बर्ती रहल गन्धकके आगिक कुण्डामे जित्ती फेँकागिलाँ।