लावा यरुशलेम
1 तब् मै लावा स्वर्ग और लावा पृथ्वी देख्नु। काकरेकी पुरान स्वर्ग और पृथ्वी आब नै रहिँत। और आब समुन्दर फेन नै रहे। 2 तब् मै पवित्र शहरहे फेन देख्नु, जोन लावा यरुशलेम हो। जोन शहर परमेश्वरके थेनसे स्वर्गमेसे तरे ओहोँर आइतेहे। उ शहरहे एकथो दुल्हन्याँ हस तयार करगिल रहिस, जिहिहे लुग्गा घलागिल रहिस, और शृंगार करगिल रहिस और जे दुल्हासे भोज करक लग तयार बा। 3 तब मै एकथो आवाज सुन्नु जोन परमेश्वरके सिंहासनमेसे जोरसे बोलल, "हेरो, आबसे पक्कै फेन परमेश्वर मनैनके संग बैठिहीँ। और ओइने हुँकार अपन मनै रहिहीँ। ऊ अप्निहीँ ओइन्हे अपन मनैनके रुपमे स्वीकार करहीँ। और ऊ ओइन्के संग रहिहीँ। और ओइने फेन हुँकिन्हे अपन परमेश्वरके रुपमे स्वीकार करहीँ।