प्रकाश 21:18-21

18 उ शहर निख्रल सोनेलेके बनल रहे, जोन सिसा हस चम्कतेहे। और यकर देवाल यशब नाउँक पठरालेके बनल रहे। 19 देवालके जग मेरमेरके बहुमूल्य रत्नहुँक्रिहिनसे जोँटाइल रहे। सुरुक जग बिल्लौरके, दोसुर नीलमके, तेसर हरित रत्नक, चौथा पन्नक, 20 पचौँ आनिक्स, छैठाँ लाल बहुमूल्य पठरा, सतौँ पितमणि, अठौँ बेरुज, नवौँ पुष्पराज, दशौँ लसुने, एघारौँ नीलमणि और बाह्रौँ कटेलक रहे। 21 भित्तर जैना बाह्रथो दवार फेन एक-एकथो मोतीलेके बनल रहिँत। और शहरके डगर निख्रल सोनेलेके बनल रहे, जोन डगर सफा सिसा हस चम्कतेहे।