प्रकाश 3:15-17,20

15 तैँ का काम कर्थे कहिके महिन्हे पता बा। तैँ उ पानी हस हुइते, जोन ना ते तातुल बा, और ना ते जुर बा। मै चहथुँ कि यदि तैँ मोरिक अनुशरण कर्थे कलेसे जात्तिकमे अनुशरण कर, यदि नै कर्थे कलेसे बिरकुल फेन ना कर। 16 पर तैँ दँदुर पानी हस बते जोन ना ते तातुल रहत ना जुर रहत। तैँ पूरा रुपमे मोरिक पिछा करते। पर महिन्हे पूरा रुपमे विश्वास नै करथुइते। तबेकमारे मै तुहिहे पूरा रुपमे अस्वीकार करक लग बतुँ। 17 तैँ सोँच्थे कि तैँ धनी बते और तुहिहे जरुरी परना सक्कु चिज तोरिक थेन बा। पर सच्चाई का हो कहिके तैँ नै जन्थे। तुहिहे देख्के ते महिन्हे सोग लागता। काकरेकी सच्चाई यहे हो कि तैँ गरीब बते। तोरिक थेन लुग्गा नै हो, और तैँ आँधर बते। 20 सुनो, मै तुहुरिन्के मनके भित्तर जाइक लग घरक बाहेर ठरह्याके दवार ढकढकुइया मनैया हस हुइतुँ। यदि तुहुरे मोरिक आवाज सुन्बो, और मोरिक लग अपन मन खोल्बो कलेसे मै भित्तर अइम। और हम्रे एकदोसर जहनसे एक्के संग संगति करब।