1 Kada lav phenďa o RAJ le Jeremijašiske: 2 „Ušťi a dža andro kher le hrnčjariskro. Ode tuke phenava mire lava." 3 Avke geľom tele andro kher le hrnčjariskro a ov ipen akor kerelas buči pro kruhos. 4 A e kuči, savi kerelas la čikatar, leske na avľa avri. Avke latar kerďa aver nadoba, savi ov kamľa te kerel.

5 O RAJ ke ma prevakerďa kavke: 6 „Či me tumenca našťi kerďomas avke sar kada hrnčjaris?" phenel o RAJ. „Avke sar hin e čik andro vasta le hrnčjariskre, avke san tumen, manušale andral o Izrael, andre mire vasta.