2 Teselonqeke Manni'a 2

Kiristoos Gareeraka Manjo

1 Anke dayyuwwa Gootta no’oka Yessuusi Kiristoosixxe dagaxxeenna no’onna isinni welti hedhatee bukki hinannaaxxe yaanexxee hanoo kadhata’ennexxi 2 Wabeekkumake’n yookaan barsiisate’ni kulendeeshsha yookaan erga no’oxxe’ni borreessendeeshsha assitineexxi, «Gootti dagaaxxi barra gelte’een» hiyyoti rakeexxi ha’noke yaadi lele’moqqe’e; daaqinoqqe’e. 3 Fedheeki manji ha’noo fedheeke toorinni soboqqee! Ediseexxi Mageno waakatanna Kiristoosii moromaki fuggaaleesi ba’netiki manji dagebaaki Goottinxe dagaaxxi barra geltabaan. 4 Isinna, Magenoke hiyyeme ye’emaachcho yookaan magenooffatemaachcho duuchcha’n iima umo ifika lummisaake gareerallon. Isinna Mageniinke woyyichcha galma’n mare ofo’leexxi, ani Magenoken hiyyaan.