1 Izira Mageniinke mini edo ibeexxi soodate'emmaxxa, aadde aaga'emmaxxanna oodha'emmaxxa yanna labballi, melaalletinna oose hexxeek laakosi hara bira sa'eek Isira'eelixxi tuuta qarqara isike'ni bukki hite. Insa'nenna iittanni hiiqqinse oo'ne. 2 Ookkoneechchi uduma Eelaamixxe gosak Yihi'eelik belti, Sekeniya Iziraa hiyyee qici, «Qarqara no'oke'ni hedheeke wele gosake mannanaa'n alaga melaalle aa'nennaxxee'e Mageno no'oke xuurammeeyyete kande afemmebe'no; tinni kadde'na'anni kinni ta'anna Isira'eeli'a addachchiisa hexxe. 3 Ta'anna atee anike goottike qorsishshanna no'oke Mageniinka ajaja sodataake mannishsha tennee melaalle oose insa'neexxenninni me'itashsha assinonna no'oke Mageni edo kako aango; Mageniink seeri ajajaaxxi duuchchanna assendowwaal. 4 Tenne duuchchanna assatee yaane uuddaak atete kaddeettaxxee ke'i; no'onna ate'e kinphannon; meeco'o jabaat.»

5 Tennexxee Iziranna ke'eexxi umo umo qeese, Leewwitonna Isira'eelika manna duuchcha konnee shiqeeka yaada assinaashsha insa'nee kakachchiise; insa'nenna kakante. 6 Ookkoneechchi uduma Izira Mageniinke mini edii'n ke'eexxi Eliyaashibika belto, Yohaanaan hedhaammaxxe kuta giddi'a e'ye; iikki booji'eme'emmak manninna xuurameessake kadeexxi afema gophatenaa'n kexxeexxanna oodha'emman; ookkonna midha wode'e afo'ik maaqeba'a. 7 Ookkoneechchi uduma booji'me'emmak manni duuchchi Iyyerusaalmi giddo bukki hiyyaashsha Yihuda giddonna Iyyerusaalemi giddo lallanbe kulle. 8 Kunni lallabinna sase barra giddo dagebaak huuni manjinna ja'laabuwwikinna geedhe murteexxe muraa qicinni karra isixxi duuchcha adhdhendaashsha umo isikenni isinna booji'emeemmake manni giddii'n fugussemaashsha ajaja'emmakemman. 9 Tennexxe sase barra giddo Yihudakinna Biiniyaamik manni duuchchi Iyyerusaalemi giddo bukki hiyye; sallanike agenjixxe lame tommixxe barra'n ardi duuchchi ookko'o bukki hiyyeeexxe yaanexxenna ookkone a'ureeke xeenixxee'e wixixxi hiyyeexxi Mageniinke mini edo hedheeke ba'linna'ni offo'le'emman. 10 Qeesichchi Iziranna ke'e uurreexxi insa'ne'n hiyyee qici, «Ha'no xuurameyyetemmabaa'n; Isira'eelixxe balleessa'ni balleessa lebati, alaga melaalle aaxxineen. 11 Ta'atenna kaddoole Duuchchi Woddike Gootta ha'nooke edike annuwwike Mageni edo cubbo ha'nooxxee faaci'we; isoo gammachchiissaaxxa yaane duuchcha asse; qarqara ha'noke'n hedheeke wele mannanaa'ninna alaga melaalenaa'n gargar higge» hiyye.

12 Tuuta duuchchinna hiteexxi hiissite haassottee qici: «Dhugaate haassootte'etten! Hitettexxa assiyyo no'o hasissaan. 13 Kaddo malee kaba bukki hiyyee ardi ijiraken; yannatinna haarsoke; tennexxee gadho uurra dandeennabo'no; ookko iimi darrenna tenne yaane'n heddo cubbo hunjennexxee tinni yaane mittete'ninna lame barra giddo muuxendaaxxe yaanebaan. 14 Tennexxee ja'laabuwwi no'oki tennee tuuta tukkeessemiyyo hasissaaxxa yaane duuchcha assinowwaal; ookkoneechchi uduma tennenaa'ni kexxeexxa daggaaxxi no'oke Magenixxi jabaxxi mufe no'onaa'n higgaa qico'ni qachcha qachcha no'oke'n hedhek alaga melaalle aadheekir duuchchi qachcha qachcha'n hexxeexxe geedhenninna ja'laabuwwinni welt murendeexxe barra'n dangowwaal.» 15 Tenne yaane moromeekinna Mesulaaminaa'ninna Leewwichcho Sabatayinaa'n kipha alfeekir Asaheelik belt Yoonaataaninna Teequwwak belt Yahiziyza callan. 16 Tennexxe iikki booji'emeemmak manni hiyyendeemmashshanni asse; qeesichchi Iziranna mitte mitte mini haduwwixxe kutanaa'n mitte mitte mini hadika anna kadeeka manjo fi'le; insa'nenna summa insa'ne'ngenni borreessemme. Ookkoneechchi uduma tommike agenjixxe siretixxe barra'n tennee yaane konke uudatee afolle, 17 siretike agenjixxe taakkaxxe barra'n alaga melaalle aadheeka labballo duuchcha egenne birree.

18 Qeesetixxe horte giddii'n alaga melaalle aadhe'emmakir konneechchi butta hedheekeran.

Iyyoosediqika belto Iyyaasuxxe horte giddii'ninna isike dayyuwwi giddii'n Me'iseya, Eli'eezer, Yaaribinna Gedaaliya. 19 Kunni duuchchi ifi fixxa are tikatee kakanteexxi anga uune; balleessa ifixxeenna mitti mitting mitte mitte beltanjo balleessatike tolchi'a shiqinshe.

20 Imeerixxe hortenaaa'n:

Hanaaninna Zebadiya.

21 Hariimixxe hortenaa'n:

Me'imeeya, Eelyaasi, Shemaya, Yihi'eelinna Ooziya.

22 Faaskuurixxe hortenaa'n: Eliyo'eenay, Me'iseya, Isima'eeli, Natina'el, Yozabaatinna Eli'aasa.

23 Leewwitoti giddii'n.

Yozabaat, Seme'i, Qoliixaas hiyyemaak Qooliya, Fetaya, Yihuda, Eli'eezer.

24 Faarsitoti giddii'ni:

Eeliyaashib.

Hulatike heqqanjuwwanaa'ni;

Seeloomi, Xeeleem, Uuri.

25 Wele Isira'eelito giddii'ni.

Faarosixxe hortenaa'ni:

raamiya, Yiziiya, Melikiya, Miyaamiin, Ali'aazaar, Melikiyaanna Bennayaasi.

26 Eelaamixxe hortenaa'ni:

Maataaniya, Zekkariyasi, Yihi'eeli, Abdii Yremotinna Eliya,

27 Zaatuxxe hortenaa'n:

Eliyaashib, Maataaniya, Yeremooti, Zebadinna Aziiza.

28 Bebaayixxe hortenaa'n:

Yihoohanaan, Hanaaniya, Zabayinna Atilay.

29 Baanixxe hortenaa'ni:

Meesulaam, Maluk, Adaya, Yaasuubi, She'aalinna Raamoot.

30 Fehaati Mo'aabixxe hortenaa'ni:

Adina, Kelaali, Bennayaas, Me'iseya, Maataaniya, Baatsili'eeli, Biiniwinna Minaase.

31 Harimixxe hortenaa'ni:

Eli'eezer, Yushiya, Melikiya, Shemaya, Simi'oon. 32 Biiniyaam, Malukinna Semaraya.

33 Hashuumixe hortenaa'n:

Metinay, Meteta, Zebadi, Eelifeelexi Yereemayi, Minaasenna Seme'i.

34 Baanixxe hortenaa'ni:

Me'iday, Amiraam, U'eel. 35 Bennayaas, Beediya, Kelqiya, 36 Waaniya, Meeriimoot, Eliyaashib, 37 Maataaniya, Metinayinna, Ya'isu.

38 Biinuwwixxe hortenaa'ni;

Sheeme'i, 39 Sheelemiya, Naataan, Adaya, 40 Mekinedibay Seeseey, Sheray, 41 Eezr'eel, Seleemiya, Semaraya, 42 Seloomi, Amareyanna Yoosefi.

43 Naabawwixxe hortenaa'ni:

Yi'i'eel, Metiitiyya, Zebadi, Zebiinna, Yaadayi, Iyyu'eelinna Bennayaasi.

44 Kunni duuchchiing alaga melaalle adhe'emmakerammana; insa'nenaa'ni heenok manni tenne melaallenaa'ni oose i'le'emman.