1 Selaatiyaalike belti Zerubaabeelinna Iyyaasunni welti higgeexxi qeesenna Leewwito konneechchinni butti'a hedheeken;

2 Seraaliyya, Erimiyaasi, Izira, Amaariya,

3 Meluuki, Haxuushi, Sekeniya, Rehuumi, Meriimooti,

4 Iido, Ginetoon, Abiya,

5 Miyaamini, Me'adiya, Biliga,

6 Shemaya, Yeyoraabi, Yida'iya,

7 Selu, Amooqi, Hilqiyaasinna Yida'iya.

Insa'ne Iyyaasuke baro'n qeesetikenna dayyuwwa insa'neekike akeekisanjuwwammani.

8 Leewwito kinni Iyyaasu, Biniwwi, Qadimi'eeli, Seeraabiya, Yihuda, ittanni dayyuwwi ifikini welti galatiinxe faaroke akeekisanjo kadeeki Maataaniyatemmani. 9 Dayyuwwa insa'neeke kandeeki Baaqibuqiyanna Uniimi ergatemma wodda insa'neeke gama'n uurina'emmani.

10 Iyyaasu Yo'aaqimi'i i'le, Yoyaaqimi Eliyaashibii'i i'le, Eliyaasebi Yoyada'i i'le, 11 Yoyada'i Yonaataani i'le, Yonaataaninna Yaadu'a i'le.

12 Yoyaaqimike baro'n qeesetike mini hadiki akeekisanjuwwi konnechchinni butti'a hedheekeni,

Serayake mini hadonaa'n, Miraya,

Ermiyaasike mini hadonaa'n, Hanaaniya,

13 Izirake mini hadonaa'n, Mesulaami,

Amareyake mini hadonaa'n, Yihohaanaani,

14 Mulukike mini hadonaa'n, Yoonaataani,

Sebenyake mini hadonaa'n, Yoosefi,

15 Hariimike mini hadonaa'n, Adinna,

Merayootike mini hadonaa'n, Helqayi,

16 Adoke mini hadonaa'n, Zekkariyasi,

Ginetonike mini hadonaa'n, Mesulaami,

17 Abiyake mini hadonaa'n, Zikir,

Miniyaaminikenna Mo'aadiyake mini hadonaa'n, Felxxayi,

18 Biligake mini hadonaa'n, Saamusi,

Shemayake mini hadonaa'n, Yonaataani,

19 Yeyoraabike mini hadonaa'n, Metinayi, Yodaheke mini hadonaa'n, Aazi,

20 Salayike mini hadonaa'n, Qalayi, Amooqike mini hadonaa'n, Eebeeri,

21 Hilqiyaasike mini hadonaa'n, Hashabiya, Yodaheke mini hadonaa'n, Natina'eeli.

22 Eliyaashibike, Yoyada'ike, Yohananikenna Yadu'ake baro'n Leewwitotinke mini hadiki akeekisanjuwwinna qeese, Faarsiki Daariyoosi moyeemmake baro'n borreessemeemmani. 23 Leewwitotixxe sannuwwa giddii'n Eliyaashibike beltika belto kadeeka Yonataani qico'n hedheeki mini miniki akeekisanjuwwi wabeekotike Maxaafi giddo borreeseemeemmani.

24 Leewwitotiki akeekisanjuwwi Hashabiya, Seeraabiya, Qedmi'eeliki belti Iyyaasutemmani; insa'nenna dayyuwi insa'neeki gama'n he'neexxi Mageniinki manji Daawwiti uwweemmaxxe akeetteshshani bado badoti adhdhina'ni galatakanna faaro shiqinsha'nemmani.

25 Woyyichcha Galmike dalla'iinxe huluwwa bira hedheeka miyuwwiinka minuwwa heqqaaki heqqanjuwwi kinni Metaaniya, Baaqibuqiya, Abdiyu, Mesulaami, Xalmooninna Aquubitemmani. 26 Insa'nenna Iyyooseedeqik belti, Iyyaasuki belti Yoyaaqimi, boga galchammaki Nehimiya, qeesichchonna seeriinka barsiisanjo Izirake baro'n ergatemme.

27 Iyyerusaalemika dalla'a eebbinse wodda Leewwito galatiinxe faaronni; bilbiliki, kiraarikinna masinqoti meellinni eebbatika ayyaana gammashshoti ulfeessino'a he'neeke bonchonaa'n hasemme Iyyerussaalemi'a dange. 28 Faarsaaleeyyetanna ittanni Iyyerusaalemi qarqara hedheeke Nexoofitotike ola'anaa'n mitteba bukki assine. 29 Insa'ne Iyyerusaalemike qarqara'n ifi'anni minuwwa ijaadhdhineemmaxxe faarsaaleeyye iyyedangeemmaki Beetigilgaali'ni, Geba'inna Aziimiti qarqari'niteni. 30 Qeesenna Leewwito seeriinshanni ifi ca'a assineechchi uduma arda, dalla'akanna huluwwa ca'a assine.

31 Aninna Yihudiinka akeekisanjuwwa kinjiinke dalla'i hana sa'naashsha assenneni; higeenna galata shiqinsho'a lame jajabba faarsaalleeyyetika qorba qophpheesseenneni. Mitte gamo kinjiinke dalla'i hana middi darree'n «Kora Hunnammaxxe hula» hinaammaba me'ite. 32 Insa'ne'a Hoshaa'iyakinna Yihudiinke akeekisanjuwwik gamisi insa'neexxa duuka me'ineeni; 33 Duuka insa'neexxa me'ineerikinna Azariyaasi, Izira, Mesulaami, 34 Yihuda, Biiniyaami, Shemaya, Ermiyaasinna; 35 ittani malagata abixxiteexxi heenoxxi qeesenna Asaafike beltinni, Zekkurike beltinni, Mikayake beltini, Metaaniyake beltinni, Shemayake beltinni, Yoonaataanike beltinni, Zekkariyasike beltini welti he'nemmani. 36 Dayyuwwi insa'neeki Shemaya, Ezeri'eeli, Milaalayi, Giilelayi, Me'ayi, Natina'eeli, Yihudanna Hanaani Mageniinki manji Daawwiti ajajemmashshanni faarotika miyyuwwa adhdhine me'ine; gogeessa akeekammakinna seeriink barsiisanji Iziratemmani. 37 «Muummetixxe Hulabaa'n» ke'neexxi toggi hine'e Daawwitike qachchibaa qabante; ookkoo'ninna dalla'akenaa'n gadhi'a fullammaxxe hulabaa'n me'ineexxi Daawwitike mini aligamii'n boroti darre'n hexxeexxe wodi'inxe muummebaa me'ine.

38 Langaxxi faarsaaleeyyetik qorb bita'i darre'n me'ite; aninna gamisi ardinni welti hedhe kinjiinke dalla'anaa'ni Itoonika Dalla'a sa'eneexxi Ba'lake Dalla'i qico'n insa'neexxa duuka me'enneni. 39 Ookkoo'ninna Efireemixxe hula ali darre, dullatte hulabaa'n, qulxu'metixxe hula, Hanaani'eelike Dalla'ibaa'n, dhibba geltaaxxe hulabaa'n sa'e «Gedhebiinxe Hula» qico'n duuka insa'neexxa me'enneni. Insa'nenna «Heqqanjuwwiinxe Hula» bira genneexxi uurrine.

40 Konne qicinni galata shiqishsheexxi lamiinxi faarsaaleeyyetixxi gamuwwa Mageniinke mine'n booncho abixxine; aninna gamisi ja'laabuwwinni welti booncho abixxenneni. 41 Itanni qeesichchi Eliyaaqeemi, Me'iseeya, Miiniyaamini, Mikaya, Eliyo'eenayi, Zekkariyasinna Hanaaniya malagatuwwa abixxineexxi, 42 Me'iseeya, Shemaya. Ali'aazaar, Aazi, Yihonaani, Melikiya, Elaaminna Etseer bakka bakka abixxine; faarsaaleeyye Yizirhiyaxxe akeekisanjummanni faarsite. 43 Mageni insa'nee yo'oshsha gammandaashsha asseemmaxxee eettene barra gammanda'n heddo tolcha shiqinshe; melaallenna oose ittanni gammande; tennenaa'n kexxeexxa Iyyerusaalemi giddo hedheemmaki gammashotiki haafuri bayyi qico'n laqisa'nemmani.

44 Etenne barra'n uuwwa, midhatika umonna tommitte massinaaka miyuwwiinka mine heqqaaka manna hariirre. Insa'nenna qachchuwwi qachchuwwiinke qarqara'n hedheeka huccinaaka fichchuwwa seeri ajajaammashshanni qeesetikanna Leewwitotika qoobbo miya massinammake minibaa iyyedaga hasissaammani; Yihudiinki manni ergatenda'neexxe qeese'ninna Leewwitote'n gammande. 45 Insa'nenna Faarsaaleyyenna hula ookkone heqqammakaara, insa'neke Magenixxa aada ca'a assatixxa aada Daawwitinna belto isike Solomoonishsha ajaja heqqe'ne.✝ 46 Edike baro'n Daawwitikenna Asaafike baro'n Magenokee shiqqaaxxa saadinotixxanna galatiinxa faaruwwa akeekkaammaxxe faarsaaleeyetike aakekisanjuwwaman. 47 Zerubaabelikenna Nehmiyake baro'n Isira'eeli duuchchi faarsaaleeyyetenna hula heqqaamake'ria barra barratika qoobbo uta'nemmani; wele Leewwitotika qoobbonna qofinni uggina'nemmani; Aaroonixxe sanne kadeeke Leewwitoti'anna geyaaka qoobbo insa'ne'anna uggina'nemmani.