12 Hega uudemate’ni ossaak manji eebisemeken; tinninna kaddeechchi hega uushote’n isi osse sa’aa wodda Mageni eeyyaakeri’a uwwaaxxe addachchiisaka, hedhotika kallalcha alfaan. 13 Ayyinna hega uudema wodda «Mageni ane hega uudeeni» hiyyoqqe; Mageni elobaaxxenni hega uudabaan; isi umi ifikinn ayyeenna hega uudabaan. 14 Yaane kinni mitti mitting manji hega uudemaak ifixxe fuggoxxe gaabenni harkisema woddanna sobemaa woddan. 15 Ookkoonechchi uduma fuggoxxi halcha siila’witeexxi cubbo ildaan; cubbotinna nophphite’e reyo ildaani.