1 እስራኤለ አሳ ቦር ዎይኮ ዶርስ ይድ ብሽን ደምኮ አጋ አፋ፤ ላጋ ኤሀዳ እያ ጎዳስ እማ። 2 ሄ መህያ ጎዳይ ነ ሄራ አስ ግዶና እፅኮ ዎይኮ እያ ጎዳይ ኦነኮ ነ ኤሮና እፅኮ፥ እያ ጎዳይ ኮይሸ ያና ጋካናዉ ነ ሶ ኤፋ፤ እ ኮይሸ ዪኮ እያዉ እማ። 3 ሄሳዳ ሀረ ዎይኮ ማኦ ዎይኮ አይባካ ይዳባ ደምኮ፥ ሄሳዳ ኦ።
4 እስራኤለ አሳ ሀረይ ዎይኮ ቦር ኦገን ኩንድን በእኮ፥ ማዳዳ ደንፈ አትሽን፥ አጋዳ አፋ።
5 ማጫስ አደ ማኦ ማኦፎ፤ አደይካ ማጫሳ ማኦ ማኦፎ። ሄሳ መላባ ኦያ ኦናካ ጎዳይ፥ ህንተ ፆሳይ እፄስ።
6 ነ ኦገ ብሽን፥ ም ቦላ ግድን፥ ሳአን ባ ናኣ ዎይኮ ባ ጱጱልያ ሀጵዳ ካፎ ደምኮ፥ እዮ፥ እ ናይታራ ኦይካዳ ነ ሶ ኤፎፓ። 7 ናይታ ኤፋናዉ ዳንዳኣሳ፤ ሽን አይዉ ባና መላ የዳ አጋ። ሄሳዳ ኦኮ፥ ኔኒ ዱረታዳ አዱሳ ላይ ዳና።
8 ኦራ ኬ ኬፅያ ዎደ ካራፐ አስ ኩንድ ሀይቅን ነ ኦይሸቶና መላ ኬ ቦላ ካተ ጊግሳ።
9 ነ ዎይነ ጋደን ናምኡ ቆሞ ካ ዘሮፓ፤ ሄሳዳ ኦኮ፥ ነ ዘርዳ ካይነ ዎይነይ ናምአይካ ኢታና።
10 ቦርነ ሀረ እስፈ ዋፃዳ ጎዮፓ።
11 ሱፈፐነ ሊኖፐ ኦሰትዳ ማኦ ማኦፋ።
12 ነ ማእያ ማኦይ ኦይዱ ባጋራ ማጫር ደእያባ ግዶ።
ኤኮ ገሎ ጌሻተ
13 እስ አስ ማቾ ኤክ ስሚድ እዮ ዶሶና እፅድ፥ 14 "ሀ ማችው ታ ኤክያ ዎደ ኩመ ግዱኩ" ያግድ እዮ ኢስድ ኦደትኮ፥ 15 ናኤ አዋይነ ናኤ አይያ እ ጌላኦተ ማላ ኤፍድ፥ ካታማ ፐንገን ደእያ ጭማታ በሶ። 16 ናኤ አዋይ ጭማታስ ሀይሳዳ ያግድ ኦዶ፤ "ታኒ ታ ናእዉ ሀ ኡራስ ማቾ ኦዳ እማስ፥ ሽን እዮ እፅስ። 17 እ፥ ‘ነ ናእያ ኩመ ግዱኩ’ ያግድ እዮ ኢስድ ኦድስ። ግዶሽን፥ ‘ታ ናኤ ጌላኦተ ማላ ሀይሳ በእተ’ " ያግድ፥ እ ጌላኦተ ኤርስያ ጫርቅያ በሶ። 18 ያትኮ፥ ሄ ካታማ ጭማት እያ ጋራፎ። 19 እ እስራኤለ ጌላኤ ሱን ኢስዳ ግሾ፥ ጭማት እያ ፄቱ ብራ ሳንትመ22:19 ፄቱ ብራ ሳንትመ፦ እስ ክሎነ ባጋ ግራመ ዴፅያ ብራ ሳንትመ አጭስድ፥ ናኤ አዋስ እሞ። ናእያ እያዉ ማቾ ግዳዳ ደኦ፤ ባ ደኦ ላይ ኡባን እዮ የዳናዉ በሰና።
20 እያ ሞቶይ ቱማ ግድድ፥ ናእያ ኩመ ግዶና እፅኮ፥ 21 እያ ባ አዋ ሶን ደአሸ ላይማትዳ ግሾ፥ ናእዉ እ አዋ ካረ ኤህድ፥ ሄ ካታማ አደት እዮ ሹቻን ጫድድ ዎ። እስራኤለ ግዶን እያ ቦርሶባ ኦሱ፤ ሄሳዳ ኦዳ ነ ግዶፈ ኢታ ድጋ።
22 እስ አስ ሀራ አሳ ማችራ ላይማትሸ ኦይከትኮ፥ እነ እያራ ላይማትዳ ማጫስያ ሀይቆ። ሄሳዳ ኦዳ ነ ግዶፈ ኢታ ድጋ።
23 እስ አስ ሀራ አሳስ ኦይሸታ ጊግዳ ጌላእዉ ካታማ ግዶን ደምድ ኢራ ላይማትኮ፥ 24 ኤንታ ናምኣ ካታማፐ ጋፃ ከስድ፥ ሹቻን ጫድድ ዎተ። ናእያ ሀይቀይ፥ ካታማ ግዶን ደአሸ፥ አስ አሻና መላ ዋሳቦና ግሾሳ። ናአይ ሀይቀይ፥ ሀራ አሳስ ጊግዳ ጌላእዉ ኢስዳ ግሾሳ። ሄሳዳ ኦዳ ነ ግዶፈ ኢታ ድጋ።
25 እስ አስ አሳስ ጊግዳ ጌላእዉ አስ ባይና በሳን ዎልቃን ኦይክድ፥ እዮ ኢስኮ፥ እያ ፃላል ሀይቆ። 26 እያ ሀይቆስ ጋያ ናጋራ ኦቦና ግሾ፥ ናኤ ቦላ አይባካ ኦፕተ። ሄስ እስ አስ ጮ ደንድድ ሀራ አስ ዎይሳ መላ። 27 እ እዮ አስ ባይና በሳን ደምድ ኦይክን፥ ሄ ጌላእያ ዋሳሱ፥ ሽን እዮ አሽያ አስ በንትቤና።
28 እስ አስ ኦይሸታቦና ጌላእዉ ኦይክድ፥ እ ጌላኦተ ኤክድ ኦይከተኮ፥ 29 ናኤ አዋ እሻታሙ ብራ ሳንትመ22:29 እሻታሙ ብራ ሳንትመ ኡሱፑን ፄቱ ግራመ ዴፅያ ብራ ሳንትመ። አጮ። ያትድ ናእዉ ባዉ ማቾ ኦ። ባ ደኦ ላይ ኡባን እዮ የዶፎ።
30 እስ አስ ባ አዋ ማችዉ ኤክድ፥ ባ አዋ ካዉሾፎ።