आमोस 2

मोआब

1 यहोवा यो बोलस हइ : "मोआब का बार-बार कऱ्या अपराधहोन का कारण, मी ओको दन्ड नी छोड्यु*2:1 मुल मे, मी ओखे नी फेरु; क्योंकि ओने एदोम का राजो का हड्डीहोन खे जलयखे राख करी दी. 2 येकालिये मी मोआब मे अंगार लगायु, अरू ओकासे करिय्योत नगर को किल्लो भस्म हुइ जाये; अरू मोआब प्रदेश चिल्लाये अरू ललकारे, अरू नरसिंगो का शब्द होते-होते मरी जाये. 3 मी ओका बीच मे से न्यायी शासक खे खतम कऱ्यु, अरू साथ ही साथ ओका सब अधिकारीहोन खे भी मार्यु," यहोवा को योही वचन हइ.✝2:3 यिर्मया 48:1-47; यहेज्केल 25:8-11; उपदेशक 2:8-11

यहूदा

4 यहोवा यो बोलस हइ : "यहूदा प्रदेश का बार-बार कऱ्या अपराधहोन का कारण, मी ओको दन्ड नी छोड्यु*2:4 मुल मे, मी ओखे नी फेरु; क्योंकि उनने यहोवा की व्यवस्था खे नकारो जास, अरू मरा नियमहोन खे नी माने; अरू अपना झुट का देवताहोन का कारण जिनका पीछे उनका बुर्जुख चल्या था, वे भी भटकी गया हइ. 5 येकालिये मी यहूदा मे अंगार लगायु, अरू ओकासे यरुशलेम को किल्ला अंगार से भस्म हुइ जाये."

इस्राएल को न्याय

6 यहोवा यो बोलस हइ : "इस्राएल का बार-बार कऱ्या अपराधहोन का कारण, मी ओको दन्ड नी छोड्यु*2:6 मुल मे, मी ओखे नी फेरु ; क्योंकि उनने निर्दोष को रुप्या का लिये अरू गरीब खे एक जोडी जूताहोन का लिये बेची डाल्यो हइ. 7 वे जमिन कि धुल्लो का जसो गरीबहोन को माथो कुचली देस हइ, अरू नम्र दुनीयाहोन खे रस्ता से बाजु करी देस हइ; अरू बाप-बेटा दोय एक ही कुमारी का पास जास हइ, जेका से मरो पवित्र नाम खे अपवित्र ठहराये. 8 वे हर एक वेदी का पास गिरो रख्या कपडाहोन पर सोस हइ, अरू दन्ड का रुप्या से मोल लियो हुयो दाखमधु अपना देवता कि मदिरहोन मे पी लेस हइ.

9 "मेने उन का सामने से एमोरीहोन खे खतम कऱ्या था, जिनकी लम्बइ देवदारहोन का जसी, अरू जिन का ताकत बांज झाडहोन का जसो थो; तेभी मेने उपर से ओका फल, अरू नीचे से ओकी जडी खतम करी.✝2:9 व्यवस्था विवरन 3:8-11 10 मी तूम खे मिस्र देस से निकाली लायु, अरू बंजर प्रदेश मे चालीस साल तक का लिये फिरता ऱ्हीया, कि तूम एमोरीहोन का देस का अधिकारीहोन हुइ जाये. 11 मेने तुम्हारा बेटाहोन मे से नबी होन का लिये अरू तुम्हारा कुछ जुवानहोन मे से नाजीर*2:11 परमेश्वर का लिये समर्पित इन्सान जो विशेष व्रत लेस, माथा का बाल नी काटे, दारु नी पी अरु मुर्दा के हात नी लगाये. होन का लिये ठहराये.✝2:11 गिनती 6:1-8 हे इस्राएलीहोन, का यो सब सच्ची नी हइ?" यहोवा कि या वाणी हइ.

12 पन तूम ने नाजीर होन खे दाखमधु पिलायो, अरू भविष्यव्दाक्ताहोन के आज्ञा दी कि भविष्यद्वाणी नी करे.

13 "देख, मी तुम खे असो दबायु, जसो गठ्ठाहोन से भरी हुइ गाडी नीचे दबय जास हइ*2:13 या तुम्हारा नीचे असो दबय दियु जसी गाडीहोन जो पुलहोन से भरी हुइ दबी ऱ्हेस हइ 14 येकालिये गती से दौडनआलो खे भागी जान का लिये जगा नी मिले, अरू सामर्थी को सामर्थ्य कुछ काम नि दिये; अरू न पराक्रमी अपनी जान बचा सके : 15 धनुर्धारी खडो नी ऱ्ही सखे, अरू फुर्ती से भागनआलो नी बचे; सवार भी अपनी जान नी बची सखे; 16 अरू योध्याहो, मे जो जादा धीर हुये, उ भी उ दिन नंगो हुइके*2:16 बिना हत्यार को भागी जाये भागी जाये," यहोवा कि या वाणी हइ.