मीका 1

मीका

1 यहोवा को वचन, जो यहुदा को राजो योताम, आहाज अरु हिजकिय्याह का शासन काल का दिनहोन मे मोरेशेतवासी मीका मे पहुच्या, जेखे ओने सामरिया अरु यरुशलेम का विषय मे पायो.

सामरिया अरु यरुशलेम का लिये विलाप

2 हे राज-राज का सब दुन्याहोन सुनो! हे धरती तु ओका सब समेत जो तरा मे हइ, ध्यान दे! अरु प्रभु यहोवा तुमारा खिलाप, वरन प्रभु अपनी पवित्र मंदीर से तुम पर गवइ दे. 3 किवकी देख, यहोवा अपना पवित्रजगा से बाहेर निकली रोस हइ, अरु उ उतरी खे धरती का उची जगाहोन पर चल्ये. 4 टेकडी ओका निचे गली जाये, अरु तराई असी फट्ये, जसी मोम अंगार की आच से, अरु पाणी जो खइ से नीचे बोहास हइ. 5 या सब याकुब को अपराध, अरु इस्राएली का घराना का पाप का कारन से होस हइ. याकुब को अपराध का हइ? का सामरिया नि? अरु यहुदा की उची जगा का हइ? का यरुशलेम नि? 6 प्रभु यहोवा ने बोल्यो, मी सामरिया का मैदान खे खेत को ढेर करी दियु, अरु दाख को बगीचो बनायु; अरु मी ओका फत्तरहोन खे खइ मे लुंडकय दियु, अरु ओकी नीव उखाडी दियु. 7 ओकी सब बनइ हुई मुर्तीहोन खे टुकडा-टुकडा करि जाये; अरु जो कुछ ओने व्यभिचार करीखे कमायो हइ उ अंगार मे भस्म करि जाये, अरु ओकी सब फोटुहोन खे मी चकनाचुर करि दियु; क्योकि व्यभिचार की कमइ से ओने ओखे जमा करी हइ, अरु वा फिर वेश्या कि कमइ हुइ जाये. 8 यो कारन मी छाती पीटीखे हाय-हाय कर्यु; मी बिना कपडा अरु नंगा पाय चल्यो फिर्यो कर्यु; मी कोल्या का जसो चिल्लाये, अरु बडोमुर्गा का जसो रोयु. 9 किवकि ओको घाव कभी नी भरे; अरु विपत्ती यहुदा पर भी अय पडी, वरन उ मरा दुनियाहोन पर पडीखे यरुशलेम का फाटक तक पहुची गई हइ.

दुश्मन को यरुशलेम का तरप बडनो

10 गत नगर मे येकी चर्चा मत करो, अरु मत रोओ; बेतआप्रा*1:10 धुल्ला कि जगा मे धुल्ला मे जयखे लोटपोट करो. 11 हे शापीर कि र्हेनआली बिना कपडा का हुयखे बेशरमी से चली जा; सानान*1:11 निकलनो कि र्हेनआली नि निकली सक्ये; बेतसेल का रोना पिटना का कारन ओकी शरनजगा तुमसे लि लियो जाये. 12 किवकि मारोत कि र्हेनआली तो मदत की रस्ता देखते-देखते उदास हुई गइ, किवकि यहोवा का तरप से यरुशलेम कि फाटक तक विपत्ती अय पहुची हइ. 13 हे लाकीश कि र्हेनआली अपना रथ होन मे जोर से चलनवाला घोडा जोत; तरा से सिय्योन कि प्रजा को*1:13 सिय्योन कि बेटी को पाप सुरु हुयो, किव कि इस्राएल को अपराध तरा मे हि पायो गयो. 14 यो कारन तु गत का मोरेशेत खे दान दिखे दुर करी दिये; अकजीब*1:14 धोको का घर से इस्राएल को राजो धोको हि खाये. 15 हे मोरेशा कि र्हेनआली मी फिर तरा पर एक अधिकारी ढैरायु, अरु इस्राएल का बडा दुन्याहोन खे अदुल्लाम कि गुफा मे आनु पड्ये. 16 अपना प्यारा बच्चा का लिये दु:ख मे अपना माथा का बाल मुडा; अरु गिध्द का जसो अपनो माथो मुडी ले; क्युकी तुमारा बच्चा तुमारा पास से गुलाम हुइखे चली गया.